Almatyda qalta urysy ÝUI-ǵa qamaldy.
Birneshe ret sottalǵan, turǵylyqty jeri joq 35 jastaǵy er adam qalta urlyǵyn jasaǵany úshin ýaqytsha ustaý ızolátoryna qamaldy, dep habarlaıdy Almaty-akshamy.kz.
«Bótenniń múlkin birneshe ret urlady degen kúdikke 35 jastaǵy A. esimdi azamat ilikti. Ol negizinen Áýezov aýdany aýmaǵynda qoǵamdyq kólikterden urlyq jasap júrgen. Birde 45-baǵyttaǵy qoǵamdyq kólikte iPhone telefonyn, al odan eki saǵat buryn 63-avtobýstan da telefondy urlap ketken. Jedel izdestirý sharalarynyń nátıjesinde kúdikti ustaldy. Atalǵan derek QR QK-niń 188-baby (Urlyq) boıynsha sotqa deıingi tergeýdiń biryńǵaı tizilimine tirkeldi. Tergeýdiń osy kezeńinde A.esimdi azamattyń úsh qalta urlyǵyna qatysy bar ekendigi anyqtaldy», – dedi Almaty qalalyq PD Krımınaldyq polısıa basqarmasynyń bastyǵy Qýatbek Naýatov.
Kúdikti taǵy bir urlyqty iri sýpermarkette jasaǵan, satyp alýshynyń qaltasynan 12-shi modeldegi iPhone telefonyn sýyryp alǵan. Polısıa qyzmetkerleri onyń qalada buryn jasalǵan osyǵan uqsas qylmystarǵa qatysy bar-joǵyn tekserip jatyr.