Kóp eńbektengen adam jetistikke jetedi.
Álemge tanymal ánshi, otandasymyz Dımash Qudaıbergen Úndistannyń «Hungama» tanymal dıstrıbútorlyq kompanıasyna suhbat berdi, dep habarlaıdy Almaty-akshamy.kz.
Áleýmettik jelige Dımashtyń atalmysh kompanıaǵa bergen suhbatynan úzindi jarıalandy. Suhbattyń tolyq nusqasy jaqynda jarıalanbaq.
«Meniń oıymsha, kóp eńbektengen adam jetistikke jetedi. Biraq óte mańyzdy másele bar: Biz Qudaıǵa senip, oǵan únemi alǵys aıtyp júrýimiz qajet. Tynbaı eńbek etetin kóptegen adamdy bilemin, olar senen anaǵurlym kóp jumys istep, talanty senen anaǵurlym joǵary bolýy múmkin. Adamdar baı jáne tanymal bolǵan kezde de bul Qudaıdyń syıy ekenin esten shyǵarmaýy tıis», - deıdi Dımash Qudaıbergen.
Onyń aıtýynsha, ol «Bir aspannyń hıkaıasy» ánin 25 jasynda jaza bastaǵan.
«Seniń qazaq, amerıkalyq, orys ne fransýz ekeniń mańyzdy emes. Sen bútin álemge meıirimmen qaraýyń kerek. Biz barlyq dinge, bir-birimizge qurmetpen qaraýymyz qajet. Bul – óte mańyzdy.
Qazir álemde soǵys kóp. Ne úshin? Sebebi olar aqsha tapqysy keledi. Iá, olar tabysqa kenelgisi keledi, biraq balalar, olardyń ómiri she? Osy týraly umytamyz. Sondyqtan osy ánimdi ne úshin jazǵanymdy birneshe ǵana adam túsinse de, meniń mısıam oryndalǵan bolady», - deıdi ánshi.
Aıta ketsek, Hungama Digital Media Entertainment – shtab-páteri Mýmbaıda ornalasqan kompanıa. Ol Úndistandaǵy jetekshi sıfrlyq oıyn-saýyq kompanıa. Onyń «Hungama Music» jáne «Hungama Play» servısteri bar. Hungama Music-tiń aı saıynǵy paıdalanýshylar sany 65 mıllıonnan asyp jyǵylady.
Posmotret etý pýblıkasıý v Instagram