Medeý aýdanynyń polısıa qyzmetkerleri ońaı olja izdegen qalta urysyn qolǵa túsirdi.
Oqıǵa Saıahat avtovokzalynyń janyndaǵy aıaldamada bolǵan. Qaskúnem jolaýshynyń uıaly telefonyn urlap, oqıǵa ornynan qashpaq bolǵanymen, bul áreketi sátsiz aıaqtaldy. Polısıa qyzmetkerleri kúdiktini jedel ustap, qamaýǵa aldy, dep habarlaıdy aqshamnews.kz Polisia.kz-ke silteme jasap.
– Qazirgi ýaqytta kúdiktiniń jeke basy tekserilýde. Onyń basqa qylmystarǵa qatysy bar-joǵy anyqtalyp jatyr. Qylmystyq áreketteriniń qaıtalanýy jáne urlanǵan múlikti satý arnalary da tergeý nysanynda, – dep málimdedi Medeý aýdandyq polısıa basqarmasyna qarasty bólim bastyǵy Eldos Baqbergenov.
QR Qylmystyq kodeksiniń 201-babyna sáıkes tergeý múddesine baılanysty qosymsha aqparat jarıalanbaıdy. Sonymen qatar QR Konstıtýsıasynyń 77-baby 3-bóliginiń 1-tarmaǵy jáne QR QK-niń 19-baby 1-tarmaǵyna sáıkes, sot sheshimi zańdy kúshine engenge deıin kez kelgen adam kinásiz dep sanalady.