Qatysýshylardy saltanatty marapattaý rásimi QR Qarýly kúshteri Ulttyq áskerı-patrıottyq ortalyǵynyń Almatydaǵy fılıalynda ótti.
QR Qorǵanys mınıstrliginiń Sport komıteti – Ortalyq sport klýbynyń bazasynda ótken spartakıadaǵa Qazaqstannyń barlyq óńirinen 14-17 jas aralyǵyndaǵy ul-qyzdar qatysty. Olar úsh shaqyrymǵa shańǵy teýip, pnevmatıkalyq myltyqtan oq atty, jas jigitter – beltemirge tartylyp, qyzdar – shalqalap jatyp deneni kóterý jattyǵýlaryn oryndady.
Saltanatty rásimge qatysýshylardy quttyqtaı otyryp, QR Qarýly kúshteri Ulttyq áskerı-patrıottyq ortalyǵynyń bastyǵy Arman Ásenov armıa sportshylary jankúıerlerin talaı márte tamasha ónerlerimen tamsandyryp, kórneki rekordtarymen qýantyp júrgenin atap ótti.
«Sport ómiriniń mánine aınalǵan balalar úshin qýanyshtymyn. Senderge zor densaýlyq, jaýyngerlik rýh jáne Otanymyzdyń ıgiligi jolynda jańa jetistikter tileımin», – dedi ol.
Jas sportshylarǵa «Jas sarbaz» respýblıkalyq balalar-jasóspirimder áskerı-patrıottyq qozǵalysynyń tóraǵasy maıor Meıirbek Meńdiǵalıev spartakıada ataýynyń maǵynasy tereń ekenin atap ótti.
«Qalqan degenimiz - qorǵanys quraly. Bul jarys bolashaqta sportty mindetti túrde serik etip, kúshti, jyldam, epti bolatyn bolashaq Otan qorǵaýshylardyń jarysy. Saıys barysynda sender jaqsy tájirıbe jınadyńdar, bul jańa jeńister men jetistikter úshin boıǵa senimdilik uıalatady», – dedi ol.
«Jas sarbaz» respýblıkalyq áskerı-patrıottyq qozǵalysynyń tárbıelenýshilerin jarystyń aıaqtalýymen belgili sportshylar – qazaq kúresinen álem chempıony Marat Baıqamyrov, álem chempıonatynyń qola júldegeri dzúdoshy Gýsman Qyrǵyzbaev, sambo men dzúdodan halyqaralyq dárejedegi sport sheberi, QR eńbek sińirgen jattyqtyrýshysy Asan Mámbetqulov jáne sambodan halyqaralyq dárejedegi sport sheberi Arnur Qýataı quttyqtady.
Spartakıada qorytyndysy boıynsha altyndy komandalyq esepte Aqmola oblysynyń, kúmisti – Soltústik Qazaqstan oblysynyń, qolany – Batys Qazaqstan oblysynyń quramasy oljalady.
Jasóspirimder arasyndaǵy úsh jarystyń qorytyndysy boıynsha jeke esepte Roman Jerebılo (Soltústik Qazaqstan oblysy), ekinshi orynda Nıkıta Matúshkov (Aqmola oblysy), úshinshi orynda Artem Sýrko (Batys Qazaqstan oblysy) chempıon atandy.
Qyzdar arasynda Marıa Vorobeva (Aqmola oblysy) jeńimpaz atansa, tuǵyrdyń ekinshi jáne úshinshi satylarynan Dará Latypova (Qaraǵandy oblysy) jáne Valerıa Nıkıtına (Soltústik Qazaqstan oblysy) kórindi.
İs-shara Ulttyq áskerı-patrıottyq ortalyǵynyń Almatydaǵy fılıalynyń shyǵarmashylyq ujymy daıyndaǵan konsertpen aıaqtaldy.