Qaldyqtardy basqarý júıesi jumysynyń tıimdiligin arttyrý sheńberinde Almaty ákimdigi qoqysty jınap, qaıta óńdep ári kádege jaratý úshin turaqty ınfraqurylym daıyndaý boıynsha is-sharalar júrgizýde. Bul úshin qajetti sheshimder qabyldandy.
«Almaty qalasynyń ákimdigi qaldyqtardy basqarý tıimdiligin arttyrý boıynsha úlken jumys júrgizip jatqanyn kórip otyrmyz. Sáýir aıynda qoqys shyǵarý tarıfi kóterildi. Bul qoqys shyǵaratyn jeke kompanıalarǵa jańa mashınalar satyp alýǵa jáne qyzmetkerleriniń jalaqysyn kóterýge múmkindik berdi. Sondaı-aq ákimdik Ekologıalyq kodekste kórsetilgen ınfraqurylymdy jaqsartýmen aınalysady. Eski, tozǵan konteınerler jańasyna aýystyrylady. Ákimdik ótkizetin barlyq is-sharalar qalanyń estetıkalyq kelbetine jáne onyń sanıtarlyq jaǵdaıyn jaqsartýǵa yqpal etedi dep úmittenemiz», — dedi qazaqstandyq «KazWaste» qaldyqtardy basqarý qaýymdastyǵynyń atqarýshy dırektory Vera Mustafına.