Dástúr boıynsha rásim QBTÝ ǵımaratynyń janyndaǵy «Astana» alańynda ótti
Jańa jyldyń basty sımvolynyń bıiktigi – 20 metr. Almatynyń bas shyrshasyn jaǵý rásimine megapolıs ákiminiń orynbasary Erjan Babaqumarov qatysty, dep habarlaıdy Almaty-akshamy.kz
Estrada juldyzdary qatysqan bul shara qala boıynsha jańajyldyq is-sharalardy bastaýǵa múmkindik berdi. Megapolıstiń barlyq segiz aýdanynda 100-den astam fotoaımaq ornatylǵan, onyń ishinde shyrshalar, shaǵyn sáýlet nysandary jáne jańa jyldyq bezendirýdiń basqa da elementteri bar.
Sondaı-aq, 21-30 jeltoqsan aralyǵynda qala ákimdiginiń qoldaýymen «Jańajyldyq kerýen» uıymdastyryldy. Qala qonaqtary men turǵyndaryn júk kólikteriniń kerýeni kútedi: dekorasıalar, myńdaǵan jaryqtandyrý, jaryq shoýlary, jarqyn fotoaımaqtar jáne úlken syılyqtar jármeńkesi. 30 myń metrden astam jaryq gırlándalary, shamdar men qyzyqty dızaın eshkimdi beıjaı qaldyrmaıdy. Júk kólikteriniń qozǵalysy áleýmettik jelilerde jarıalanady.
Sonymen qatar, KVI taralýyna qarsy is-qımyl jónindegi qalalyq shtab kúrdeli sanıtarlyq-epıdemıologıalyq ahýalǵa jáne "omıkron" shtamynyń taralý qaýpine baılanysty saqtyq sharalaryn – maska rejımin jáne áleýmettik qashyqtyqty saqtaý qajet ekenin eske salady. Almatylyqtarǵa vaksınalaýdy jalǵastyrý kerek, al buryn egilgenderdi qaıta vaksınalaý qajet. Vaksınalaý pýnktteri jumysyn jalǵastyrýda.
