Qujat jobasy «Almaty qalasyn damytý ortalyǵy» AQ saıtynda jarıalanǵan.
Almaty qalasynyń ákimdigi men «Almaty qalasyn damytý ortalyǵy» AQ «Almaty qalasyn damytýdyń 2025 jylǵa deıingi josparynyń negizgi basymdyqtary jáne 2030 jylǵa deıingi orta merzimdi perspektıvalary» atty jobany jalpy talqylaýǵa usyndy, dep habarlaıdy Almaty-akshamy.kz
«Qurmetti almatylyqtar!
Sizderdiń talqylaýlaryńyzǵa «Almaty qalasynyń 2025 jylǵa deıingi damý josparynyń negizgi basymdyqtary jáne 2030 jylǵa deıingi orta merzimdi perspektıvalar» jobasyn talqylaýǵa usynamyn.
Biz qalanyń bolashaq damýyn ár túrli saladaǵy belsendilermen jáne sarapshylarmen talqyladyq, turǵyndarymyzdyń myńdaǵan ótinishterine taldaý jasadyq, qala ómiriniń barlyq salalarynyń jaǵdaıyn zerttedik.
Bul – Almatyny jaqsy biletin jáne jaqsy kóretin, onyń ózgerýin, odan ári damýyn jáne sapaly ósýin qalaıtyn 40-tan astam táýelsiz sarapshylar jumys jasaǵan bizdiń usynystarymyz.
Biz almatylyqtar úshin naqty jáne seziletin nátıjeler belgilengen Almaty qalasyn damytý josparynyń negizgi basymdyqtaryn sizderge usynýǵa tyrystyq. Bizdiń basty maqsatymyz – megapolıstiń barlyq turǵyndarynyń ómir súrý deńgeıin sapaly arttyrý. Búgin Sizderge aǵymdaǵy ahýal men aldaǵy syn-tegeýrinderdiń shynaıylyǵyn eskere otyryp, Almatynyń 2030 jylǵa deıingi damý joldary men perspektıvalary naqtyly usynyldy.
Almaty qalasynyń 2025 jylǵa deıingi Damý josparyn jáne onyń orta merzimdi perspektıvalaryn ázirleý kezinde qarastyrylatyn jáne eskeriletin túsiniktemelerińiz ben ıdeıalaryńyzdy alý úshin osy usynystardy 2022 jyldyń 1 shildesine deıin Sizderdiń talqylaýlaryńyzǵa usynamyz», -dedi Almaty qalasynyń ákimi Erbolat Dosaev.
Ol úshin megapolıs basshysy qala turǵyndarynan almatydc.kz saıtynda óz pikirleri men ıdeıalaryn bólisýdi suraıdy.
Óz pikirińizben bólisińiz jáne 1 shildege deıin keri baılanys qaldyra alasyz, silteme osynda.
Qujat jobasy «Almaty qalasyn damytý ortalyǵy» AQ saıtynda jarıalanǵan. Qujatta qordalanǵan máselelerdi, halyqaralyq tájirıbeni, áleýmettik zertteýlerdiń nátıjelerin, Almatynyń tarıhı rólin, onyń mártebesin, ekonomıkalyq áleýetin jáne aǵymdaǵy ahýaldy eskere otyryp anyqtalǵan qalany damytýdyń qysqa jáne orta merzimdi basymdyqtary kórsetilgen. Qujattyń mazmuny Almaty qalasyn damytýdyń 2025 jylǵa deıingi jospary men onyń 2030 jylǵa deıingi orta merzimdi perspektıvalary, Almatynyń 2040 jylǵa deıingi Bas jospary jáne Almaty aglomerasıasyn 2030 jylǵa deıin damytýdyń Keshendi jospary syndy jobalardy odan ári pysyqtaý men qabyldaý úshin negizge alynbaq.
Joba 7 bólimnen turady – «Jaıly qalalyq orta», «Turaqty ekonomıkalyq ósý», «Basqarylatyn ýrbanızasıa», «Áleýmettik ornyqtylyq pen turaqtylyq», «Jasyl Almaty», «Smart sıtı», «Qaýipsiz qala».
Qujatta kórinis tapqan bastamalardy iske asyrý qalanyń úılesimdi keshendi damýyna qoljetkizýge múmkindik beredi, onyń basty maqsaty jaıly, ınklúzıvti jáne qaýipsiz qalalyq orta qurý bolyp tabylady.
Qujatty ázirleýge túrli qyzmet salalarynan 40-tan astam táýelsiz sarapshylar, onyń ishinde ekonomıser, ýrbanıster, ekologtar, qalany josparlaýshylar, aqparattyq tehnologıalar salasyndaǵy mamandar, qoǵam qaıratkerleri, kásipkerler jáne basqalar qatysty.
Jobany qoǵamdyq talqylaýǵa qalanyń árbir turǵyny qatysa alady, 7 bólimniń árqaısysy boıynsha pikir bildirip, oı bólisýge bolady. Jınalǵan derekter «Almaty qalasynyń 2025 jylǵa deıingi damý josparyn jáne onyń orta merzimdi perspektıvalaryn» talqylaý jáne pysyqtaý kezinde keshendi túrde óńdelip, paıdalanylatyn bolady.
Sondaı-aq, saıtta qujatqa siltemeni áleýmettik jelilerde jáne messendjerlerde bólisý múmkindigi qarastyrylǵan.
Qujat 1 shildege deıin jalpy talqylaýda bolady.