«Abaı – Masanchıdegi burynǵy temirjol aýrýhanasynyń ǵımaratyn rekonstrýksıalaýǵa» jobalaý-smetalyq qujattama ázirlenýde.
Tarıhı kelbettiń saqtalýyn qamtamasyz etý maqsatynda joba Mádenıet jáne sport mınıstrligi janyndaǵy «Qazrestavrasıa» kásipornymen kelisýden ótti, dep habarlaıdy Almaty-akshamy.kz.
Bul týraly Almaty ákimi Erbolat Dosaevtyń Almaly aýdany turǵyndarymen ótken kezdesýinde aıtyldy.
«Saraptama qorytyndysyn 2024 jyldyń I toqsanynda alýdy jáne qurylys-montajdaý jumystaryn 2024 jyldyń II-shi toqsanynda bastaýdy josparlap otyrmyz. Barlyq jumystar aıaqtalǵannan keıin osy ǵımaratta zamanaýı «Qalalyq balalardy ońaltý ortalyǵyn» ashamyz. Qurylys-montajdaý jumystary- 2025 jyldyń I toqsanynda aıaqtalady», - dedi qala ákimi Erbolat Dosaev.
2024 jyldyń II-shi toqsanynda Raıymbek dańǵyly 312 mekenjaıynda psıhıkalyq damýy tejelgen balalarǵa arnalǵan baseıni bar sport ortalyǵynyń qurylysy bastalady (saraptamanyń shyǵýy 2023 jyldyń IV toqsany).
Sondaı-aq, Áıteke bı kóshesiniń boıynda 500 kelýshige arnalǵan jańa emhana salý boıynsha (eski ǵımaratty buza otyryp, qalalyq revmatologıalyq ortalyqtyń ornyna) saraptama qorytyndysyn 2024 jyldyń II-shi toqsanynda alý josparlanyp otyr.
Búgingi tańda №3 emhana ǵımaraty men Qalalyq adam urpaǵyn órbitý ortalyǵyn kúrdeli jóndeýge jobalaý-smetalyq qujattama ázirlenýde. Jobalaý-smetalyq qujattamany ázirleýdi aıaqtaý osy jyldyń IV-shi toqsanynyń basyna josparlanǵan.
2024 jyly №1 perzenthananyń tozǵan korpýsyn (1937 jyly salynǵan) buzyp, zamanaýı jabdyqtarmen jabdyqtalatyn jańa korpýs salý josparlanýda. Jobalaý-smetalyq qujattamany ázirleýdi aıaqtaý – 2024 jyldyń III-shi toqsany.