Aýdan ákimdigi bıylǵy jylǵa 19 aýlany kúrdeli jóndeýden ótkizýdi josparlaǵan
Onyń 10-ny qaıta jańǵyrtyldy. Bul týraly qala ákimi Erbolat Dosaev Almaly aýdany turǵyndarymen ótken kezdesýinde aıtty, dep habarlaıdy Almaty-akshamy.kz.
Qalǵan 9 aýlany kúrdeli jóndeý jumystary bastaldy, osy jyldyń qazan aıynyń sońyna deıin aıaqtalady. Sondaı-aq qazan aıynyń sońyna deıin aýdannyń 50 aýlasynda aǵymdaǵy jóndeý jumystary aıaqtalady. Sonymen qatar, osy jyly 47 turǵyn úıdiń fasadyn jóndeý josparlanǵan. Onyń ishinde 27 úıde jumystar aıaqtaldy. Qalǵan 20 úıde jóndeý jumystary osy jyldyń qyrkúıeginde aıaqtalmaq.
Kúlásh Baıseıitova atyndaǵy jaıaý júrginshiler kóshesin abattandyrý aıaqtaldy, Prokofev býlvary men Dúısenov jaıaý júrginshiler kóshesinde, sondaı-aq Tastaq shaǵyn aýdanyndaǵy «A. Baıtursynov» jáne «Býdan» skverlerinde avtomatty sýarý qurylǵysyn ornata otyryp, kógaldandyrý jumystary júrgizildi, -dedi qala ákimi.
Qyrkúıek aıynyń sońyna deıin Almaly aýdanynyń taǵy «Bıokombınat», «Sosnovyı», «Kishi Gandı», «A. Imanov skveri» jáne «Gandı Parki» skverinde kógaldandyrý jáne avtomatty sýarý júıelerin júrgizý jumystary aıaqtalmaq.