Almatyda qala qurylysy reglamentterin iske asyrýdyń jańa jospary qabyldanady, dep habarlaıdy Almaty-akshamy.kz
Almatyda qala basshysy Erbolat Dosaevtyń qatysýymen taý bókterindegi qurylys salasyndaǵy sybaılas jemqorlyq táýekelderin syrtqy taldaý qorytyndylary boıynsha usynymdardy oryndaý máseleleri boıynsha Qoǵamdyq keńestiń kóshpeli otyrysy ótti.
Almatynyń qabyldanǵan Bas josparyna sáıkes 2040 jylǵa deıin Almatynyń qala qurylysy reglamentterin iske asyrýdyń jańa josparyn ázirleý bastaldy.
«Jumys aǵymdaǵy jyldyń shilde aıynyń sońyna deıin aıaqtalady. Aıaqtaý nysany — Almaty qalasy Máslıhatynyń sheshimi», — dedi qala ákiminiń orynbasary Asqar Amrın
Almaty qalasy ákimdiginiń qyzmetindegi basty basymdyqtardyń biri — taý bókterindegi aımaqtaǵy qurylystyń sapasyn baqylaý. Seısmıkalyq qaýipsizdikti qamtamasyz etý úshin ákimdik ortalyq memlekettik organdarǵa 2016 jyly «Doing Business» baǵdarlamasyn iske asyrý sheńberinde taratylǵan jobalaý, Qurylys jáne baqylaý prosesin qatańdatý jóninde usynystar jiberdi.
Sondaı-aq, qalada maqsatsyz paıdalaný úshin aýyl sharýashylyǵy maqsatyndaǵy jerler de tekseriledi.