Jıynǵa Almaty ákimi Erbolat Dosaev, Sybaılas jemqorlyqqa qarsy is-qımyl agenttiginiń tóraǵasy Asqat Jumaǵalı, QR Sybaılas jemqorlyqqa qarsy is-qımyl agenttigi qoǵamdyq keńesiniń tóraǵasy Marat Báshimov, ortalyq jáne jergilikti aýmaqtyq memlekettik organdardyń ókilderi, qoǵam qaıratkerleri qatysty, dep habarlaıdy almaty-akshamy.kz.
Otyrysty ashqan megapolıs basshysy Antıkormen birlesip Almaty taý bókterindegi qurylys salasyna syrtqy taldaý júrgizilgenin atap ótti. Osy salada sybaılas jemqorlyq quqyq buzýshylyqtar jasaýǵa yqpal etetin sebepter men jaǵdaılardy joıý úshin is-sharalar kesheni iske asyrylyp jatyr.
Zańnamadaǵy olqylyqty joıý úshin qala ákimdigi «Almaty qalasynyń erekshe mártebesi týraly» Zańǵa ózgerister men tolyqtyrýlar engizýge bastamashylyq jasady. Osylaısha, qala qurylysyn baqylaý basqarmasy nysandardyń seısmıkalyq aýmaqtaǵy qurylys talaptaryna sáıkestigin teksere alady. Sondaı-aq, basqarma ǵımarattar men qurylystardyń seısmıkalyq tózimdiligin tekserý barysynda kúrdeli nysandarǵa ǴZI-yn tarta alady.
Májiliste nysandardy paıdalanýǵa qabyldaý kezinde qala qurylysyn baqylaý organdarynyń qatysýyn mindetteıtin norma engizilgen qurylys kodeksiniń jobasy qaralady.
Qala ákimdigine Almaty aýmaǵynda qurylys salý qaǵıdalaryn bekitýge quqyq beretin zańnamalyq ózgerister boıynsha usynystar engizildi. Olarda qaýipsizdiktiń belgilengen deńgeıin qamtamasyz etý úshin seısmıkalyq tózimdilik talaptary belgilenedi. Bul usynystar qoldaý taýyp, Májiliste qarastyrylyp jatyr.
Almaty ákiminiń orynbasary Asqar Ámrın baıandamasynda habarlaǵandaı, taý bókterindegi aýmaqtardy egjeı-tegjeıli josparlaý josparyn (ETJ) zańsyz ózgertý faktileriniń jolyn kesý, jerdiń nysanaly maqsatyn ózgertý, qurylys pen baqylaý qyzmetin júzege asyrý kezinde táýekelderdi boldyrmaý boıynsha sharalar qabyldandy. Memlekettik qyzmetti sıfrlandyrý kezinde jáne jerdi memleket qajetine alý kezinde táýekelder júıeli túrde joıylady. Eger ETJ-da ózgeris nemese tolyqtyrý ne ákimdik qaýlysy bolmaǵan kezde qalanyń sıfrlyq kartasyn óz betinshe ózgertýdiń tehnıkalyq múmkindigi alynyp tastalady.
Jıyn sońynda Erbolat Dosaev QR Sybaılas jemqorlyqqa qarsy is-qımyl agenttigimen birlesip qurylys salasyndaǵy sybaılas jemqorlyq alǵysharttarynyń tıimdi aldyn alý jáne joıý jónindegi keshendi jumys jalǵasatynyn jáne turaqty baqylaýda bolatynyn atap ótti. Qala basshysy ákimdiktiń jaýapty bólimshelerine birqatar tapsyrma berip, Almatyda, ásirese taý bókterindegi aımaqta qurylys sapasy men azamattardyń qaýipsizdigi jónindegi talaptardyń saqtalýy basty basymdyqtardyń biri bolyp tabylatynyn aıtty.