Osy jyldyń 16 jeltoqsanynan bastap B. Momyshuly metro stansıasy men Ashekeev kenti arasynda qatynaıtyn №244 jańa qala mańy marshrýt iske qosylady.
Jelide 13 mınýt jıilikpen 13 jyljymaly birlik qyzmet kórsetetin bolady, dep habarlaıdy almaty-akshamy.kz.
Almaty aglomerasıasyn damytý aıasynda bıyl Qalalyq mobıldilik basqarmasy 25 eldi mekendi qamtıtyn 10 jańa qala mańy marshrýtyn ashýdy josparlaǵan bolatyn.
Bul aǵymdaǵy jyly iske qosylǵan qala mańyna qatynaıtyn onynshy baǵyt.
Buǵan deıin 9 baǵyt iske qosylǵan: №216 «Dáýlet kenti - Almaty-1 t/j vokzaly», №223 «Týǵanbaı kenti – Nura kenti – Almaty-1 t/j vokzaly», №232 «Júzdibastaý kenti – Almaty-2 t/j vokzaly», №233 «Qaraoı kenti – Saıahat», №234 «Elaman kenti - Altaı-1 sh/a (VAZ)», №235 «Isaevo kenti - Sálem bazary», №236 «Qarǵaly kenti – Tóle bı/Iassaýı burylys alańy», №240 «Batyr kenti – Adem-1 SÚ» jáne №247 «Myńbaev kenti – Tóle bı/Iassaýı burylys alańy».
2024 jyldyń sońyna deıin qala mańyna qatynaıtyn 20 jańa baǵytty uıymdastyrý josparǵa engen, bul 50 eldi mekendi qamtamasyz etedi.