Almaty álemdik deńgeıdegi «A» sanatyndaǵy juldyzdar úshin jańa sahna alańyna aınalyp keledi.
Almaty Qazaqstannyń ǵana emes, kúlli Ortalyq Azıanyń mádenı ortalyǵyna aınalyp keledi. Óner men órkenıet toǵysqan álemdik mýzyka keńistiginde qala «A» sanatyndaǵy ataqty artıser úshin tartymdy sahnaǵa aınalyp otyr.
Keıingi jyldary mádenıet salasynda júrgizilgen serpindi jumystyń arqasynda Almatyda halyqaralyq deńgeıdegi ataqty ónerpazdardyń tańdaı qaqtyrar shoýy men premeralary jıi ótetin boldy. Bul týrıser legin kóbeıtip, týrızm salasy men kreatıvti ekonomıkanyń órken jaıýyna jol ashady. Bul jaıynda Almaty qalasy Mádenıet basqarmasynyń ókilderi men elimizdegi aıtýly is-shara uıymdastyrýshylary baspasóz máslıhatynda málimdedi.
Álemge áıgili Djennıfer Lopestiń ǵajaıyp keshiniń izin ala, Almatyda taǵy bir tarıhı sát bolady. Ataqty Backstreet Boys toby Qala kúnine oraı jankúıerlerimen júzdesip, áýezdi án syılap, almatylyqtardy merekemen quttyqtaıdy.
«Qala kúni merekesinde almatylyqtar men qonaqtarǵa arnap mazmundy mádenı baǵdarlama ázirlep jatyrmyz. Turǵyndar men týrıser túrli qyzyqty jobalarǵa, festıválder, jármeńkeler men merekelik is-sharalarǵa kýá bolady. Al Backstreet Boys konsertine kelsek, ol 19 qyrkúıek kúni Ortalyq stadıonda ótedi. Bul olardyń álemdik gastroliniń jalǵasy emes, arnaıy qazaq jerindegi tyńdarmandaryna arnalǵan jeke kesh bolmaq. Jalpy atashty top TMD elderinde konsert berýdi josparlamaıdy, sondyqtan bul naǵyz eksklúzıv kesh», – dedi Almaty qalasy Mádenıet basqarmasy basshysynyń orynbasary Arman Halbekov.
Kesh barysynda toptyń I Want It That Way, Everybody (Backstreet’s Back), As Long As You Love Me, Show Me The Meaning of Being Lonely, Shape of My Heart syndy ataqty hıtteri jáne sońǵy shyqqan týyndylary shyrqalmaq. Konsertke bıletter baǵasy 40 myń teńgeden bastalatyn bolady. Bıletterdi 14 shilde saǵat 11:00-den bastap satyp alý múmkindigi bar.
Konsertti Qazaqstandaǵy shoý-bıznes salasyndaǵy maqtaýly kompanıalardyń biri First Media Group uıymdastyrady. Bul ujym san márte álemdik deńgeıdegi juldyzdardyń konsertin ótkizip, elimizdiń eń iri sahnasynda talaı aýqymdy jobalardy sátti júzege asyrǵan. Merekelik kesh Almaty qalasy ákimdiginiń qoldaýymen ótedi.
«Backstreet Boys sekildi ataqty artıserdi Qazaqstanǵa shaqyryp, el tarıhyna altyn árippen jazylar kesh uıymdastyrý biz úshin zor abyroı. Almatynyń álem juldyzdary jınalatyn sahnaǵa aınalyp kele jatqanyna erekshe qýanyshtymyz. Osy sátti kórermenderimizben bólisý – biz úshin úlken mártebe», – dedi First Media Group basqarýshy dırektory Alfıa Nurǵumarova.
Uıymdastyrýshylar shoý sapasynyń joǵary bolýyna ári qala turǵyndary men qonaqtary úshin qoljetimdi bolýyna basa mán bergen. Bılet baǵasy kópshiliktiń osy tarıhı keshke kýá bolýyna múmkindik beredi.
Konserttiń bas seriktesi Halyk óziniń kino.kz servısin usynyp otyr. Konsertke bıletti dál osy platforma arqyly satyp alýǵa bolady. Halyk qosymshasynyń paıdalanýshylary Visa kartasy arqyly tólem jasap, bıletti 14 shilde saǵat 11:00-de, ıaǵnı bir kún buryn satyp ala alady. Al 15 shildeden bastap bıletter kino.kz saıtynda barlyq jankúıerge Almaty ýaqytymen saǵat 11:00-de qoljetimdi bolady.
Aıta keteıik, buǵan deıin Almatyda 50 Cent, Akon, Lara Fabian, Nicole Scherzinger, Ne-Yo, Tarkan, Arash, Blue, C.C. Catch, Jason Derulo, Scorpions syndy álemdik juldyzdar óner kórsetken bolatyn.
2025 jyldyń sońyna deıin qalada Djennıfer Lopes pen Backstreet Boys-pen qatar, Thirty Seconds to Mars, The Rasmus, Sabaton sekildi áıgili toptardyń keshteri de ótedi dep josparlanyp otyr.
Jalpy 2025 jyldyń alǵashqy jartyjyldyǵynda Almatyda 160-tan astam iri mádenı is-shara uıymdastyrylyp, 800 myńnan astam kórermendi qamtyǵan eken. Bul kórsetkishter qalanyń mádenı ómirine degen zor qyzyǵýshylyqty jáne onyń óńirdegi eń mańyzdy mádenı ári týrısik ortalyq retindegi bedelin aıshyqtaı túsedi.