Bıylǵy qańtar aıynda Almaty qalasynda bolǵan jappaı tártipsizdikterdi uıymdastyrýshylar men qylmys jasaǵandardy, zańsyz qarý aınalymdaryn anyqtaý jumysyna Almaty qalasy boıynsha Qylmystyq-atqarý júıesi departamenti men oǵan qarasty mekemelerdiń jedel qyzmetteri de belsendi túrde qatysýda, dep habarlaıdy Almaty-akshamy.kz Polisia.kz-ke silteme jasap.
Almaty qalasyndaǵy tergeý ızolátory jedel qyzmetiniń aqparaty boıynsha, İshki ister mınıstrliginiń qyzmetkerleri qańtar qyrǵynyna belsendi qatysqan jáne qaladaǵy “Alpamys” qarý dúkeninen qarý tonaǵan kúdiktini qolǵa túsirdi.
Jappaı tártipsizdik kezinde qarý tonaǵanyn moıyndaǵan kúdikti A. turatyn úıden "Vepr" markaly otty qarý tárkilendi. Jyl basynan beri Almaty qalasy boıynsha Qylmystyq-atqarý júıesi departamenti jedel qyzmetiniń aqparaty boıynsha, Almaty qalasynyń aýmaǵynda 7 qarý-jaraq qoımasy anyqtalyp, 25 otty qarý, 31 granata, ártúrli kalıbrli 1259 patron, arnaýly quraldar jáne polısıa qyzmetkerleri men áskerılerdiń nysandy kıimi tárkilendi.