Máslıhat depýtattary men janashyr azamattardyń qarjylaı qoldaýymen 572 turmysy tómen otbasy men bes úkimettik emes uıymǵa 8 tonnaǵa jýyq azyq-túlik satyp alyndy.
Almaty ákimdiginiń aparattyq keńesinde qalanyń ál-aýqat basqarmasynyń basshysy Nazıra Toǵyzbaeva az qamtylǵan otbasylardy, kúsh qurylymdaryn jáne ÚEU-ny qoldaý týraly aıtyp berdi.
«Almaty qalasynda qalyptasqan jaǵdaıǵa baılanysty 2022 jyldyń 9 qańtarynan bastap «Jaqsylyq bastaýy» qaıyrymdylyq qorymen birlesip quqyq qorǵaý organdary men Ulttyq ulannyń 1455 qyzmetkerin ystyq tamaqpen qamtamasyz etý boıynsha qaıyrymdylyq aksıasy ótkizilýde. Al «April Group» JSHS-men birge 200 az qamtylǵan otbasyǵa azyq-túlik jıyntyǵy berildi», - dedi qalalyq ál-aýqat basqarmasynyń basshysy.
Onyń aıtýynsha, máslıhat depýtattary men janashyr azamattardyń qarjylaı qoldaýymen 572 turmysy tómen otbasy men bes úkimettik emes uıym – Qazaq zaǵıptar qoǵamy, «Ana úıi» QQ, «Revansh» QQ, «Januıa» daǵdarys ortalyǵy, «Tın chellendj» esirtkige táýeldilikti ońaltý jónindegi medısınalyq ortalyq úshin 8 tonnaǵa jýyq azyq-túlik satyp alyndy.