17 qańtardan bastap Almaty metrosynyń jumysy qaıta jandandy. Bul týraly qala ákimi Baqytjan Saǵyntaevtyń tóraǵalyǵymen ótken Almaty qalasynyń tynys-tirshiligin qalpyna keltirý jónindegi qalalyq shtab otyrysynda Qalalyq mobıldilik basqarmasynyń basshysy Ǵanı Myrzahanov aıtyp berdi dep habarlaıdy almaty-akshamy.kz
Búginde barlyq 151 baǵyt jáne 1600 birlik jyljymaly quram, sonyń ishinde troleıbýs jáne qala mańyndaǵy baǵyttar iske qosyldy. Qalalyq marshrýttardyń jumys tártibi 8.00-den 21.00-ge deıin, qala mańyndaǵy marshrýttarda 9.00-den 21.00-ge deıin.
Sonymen qatar, metro jumysy qaıta jandandy. Jumys ýaqyty 7.00 - den 21.00-ge deıin.
Ǵ. Myrzahanovtyń aıtýynsha, tártipsizdik kezinde 28 birlik avtobýs zaqymdalǵan (26 birlik – «Almatyelektrotrans» JSHS, 1 birlik – «AvtoAlmaTrans» JSHS, 1 birlik – «Avtotransgaz» JSHS). Búgingi tańda 16 avtobýs tolyq qalpyna keltirildi, qalǵan 12 avtobýs qosalqy bólshekterdiń (shynylardyń) qańtar aıynyń sońyna deıin jetkizilýine qaraı qalpyna keltiriledi.
Áýejaı men temirjol vokzaldary shtattyq rejımde jumys isteıdi.
15 qańtardan bastap qalaaralyq tasymaldar jartylaı jańartyldy (Taldyqorǵan, Taraz, Shymkent qalalary).
Qalalyq mobıldilik basqarmasynyń basshysy qalanyń jol ınfraqurylymyn qalpyna keltirý jumystary týraly aıtyp berdi.
Qalanyń kóshe-jol jelisin zertteý nátıjeleri boıynsha 1050 sharshy metr jol jabynynyń, 410 metr úıilgen jıekterdiń, 98 dana buzylǵan metal torlar anyqtaldy. Jóndeý-qalpyna keltirý jumystary aıaqtaldy.
2025 sh.m. trotýarlardaǵy tas tósemder bólshekteldi, trotýarlardyń jabyny qalpyna keltirildi.
Ǵ. Myrzahanov Almatyda 46 baǵdarsham nysany men 121 dana jol belgileriniń (Respýblıka alańy, Nazarbaev dańǵyly, Dostyq dańǵyly, Abaı dańǵyly, Raıymbek dańǵyly, Tóle bı kóshesi, Sátpaev kóshesi, Momyshuly kóshesi) jabdyqtalýy zaqymdalǵanyn atap ótti. Búginde bul zaqym tolyǵymen qalpyna keltirildi.
Sondaı-aq, avtobýs pavılondaryn qalpyna keltirý jumystary júrgizilýde: 43 avtobýs pavılony búlingen, onyń 23-i tolyq qalpyna keltirilgen. Qalǵan 20 pavılondy shyny paketterdi daıyndaý shamasyna qaraı qańtar aıynyń sońyna deıin jóndeý josparlanýda. Bul jumystar jeke ınvestorlardyń («RTS» JSHS jáne «Iýnıkom Bıznes» JSHS) qarajaty esebinen júrgiziledi.
«Sondaı-aq, 220 velosıped pen 21 AlmatyBaık velostansıasy buzylǵan. Sonymen qatar, 170 velosıped urlanǵan. Qazirgi ýaqytta at-júıesin qalpyna keltirý jáne tekserý jumystary júrgizilýde. Halyqqa qyzmet kórsetýdi jańartý 20 qańtarǵa deıin josparlanǵan», - dedi Ǵ. Myrzahanov.
Ol zaqymdalǵan velosıpedterdi jóndeý jáne urlanǵan velosıpedterdi qalpyna keltirý úshin qosymsha qarajat (370 mln teńge) bólý máselesi pysyqtalyp jatqanyn atap ótti).
Aqyly avtoturaqtardyń qyzmetine keletin bolsaq, ol tótenshe jaǵdaı rejımi joıylǵanǵa deıin ýaqytsha toqtatyldy.
24 birlik parkomat búlingen. Búgingi kúni atalǵan parkomattar jóndeýge alyndy. Jóndeý-qalpyna keltirý jumystaryn parkomattarǵa arnalǵan jınaqtaýyshtardyń jetkizilýine qaraı qańtar aıynyń sońyna deıin aıaqtaý josparlanýda.
Qalalyq mobıldilik basqarmasynyń basshysy sondaı-aq jol aıyryqtarynda, tesikterde jáne metroda qurylys-montajdaý jumystary qaıta bastalǵanyn habarlady. Kestelerden artta qalýshylyq baıqalmaıdy.