Almaty qalasynda polısıa qyzmetkerleri stýdentter arasynda quqyqtyq bilim berý jumystaryn belsendi túrde júrgizip jatyr. Bul sharanyń basty maqsaty – jastardyń quqyqtyq saýattylyǵyn arttyryp, stýdentter arasynda quqyq buzýshylyqtyń aldyn alý, – dep habarlaıdy aqshamnews.kz. .
Qazirgi tańda Almatyda 180 myńnan astam stýdent bilim alýda, olar 36 joǵary oqý orny men kolejderde oqıdy. Stýdenttik orta kez kelgen qoǵamnyń eń belsendi, jańashyl jáne uıymdasqan bóligin quraıdy. Sondyqtan tártip saqshylary jastardy zań talaptaryn qatań saqtaýǵa, kúmándi ortadan aýlaq bolýǵa jáne quqyq buzýshylyqtyń saldary týraly aqparattandyrýǵa erekshe nazar aýdarýda.
Bostandyq aýdandyq polısıa basqarmasyna qarasty polısıa bóliminiń bastyǵy Muhamedáli Seısenuly atap ótkendeı, polısıanyń mindeti – stýdentterge zańdy saqtaý qajettiligin túsindirý, olardy zańsyz áreketterden aýlaq bolýǵa shaqyrý jáne olardy quqyqtaryn qorǵaý úshin senim telefondary arqyly kómek suraýǵa yntalandyrý. Sonymen qatar, jastar arasynda esirtkige qarsy teris kózqaras qalyptastyrý da basty maqsattardyń biri bolyp tabylady.
Jastardy óz ýaqytyn bilim alýǵa, shyǵarmashylyq jáne sporttyq belsendilikterin damytýǵa arnaýǵa shaqyrý da mańyzdy. Bul bastama stýdentterdiń quqyqtyq saýattylyǵyn arttyryp qana qoımaı, olardyń qaýipsiz ortada ómir súrýine yqpal etýge baǵyttalǵan.