Almatyda týrızm salasyndaǵy jobalardy qoldaý úshin «bir tereze» formatyndaǵy Jobalyq keńse ashyldy
Almaty qalasynyń Týrızm basqarmasy men «Almaty Business Development Company» JSHS birlesip, týrızm salasyndaǵy jobalardy qoldaý úshin «bir tereze» (One Stop Shop) formatyndaǵy Jobalyq keńseni iske qosty, dep habarlaıdy aqshamnews.kz
Maqsaty – Almatyda týrısik jobalardy júzege asyrýǵa qyzyǵýshylyq tanytqan ınvestorlar men kásipkerlerge keshendi qoldaý kórsetý.
«Bir tereze» formaty kásipkerlerge barlyq qajetti konsýltasıalar men qyzmetterdi bir jerden alýǵa múmkindik berip, ınvestorlardyń ýaqytyn jáne resýrstaryn únemdeıdi.
Jobalyq keńseniń negizgi qyzmetteri:
- Konsýltasıalyq qoldaý: týrısik jobalardy júzege asyrýǵa qatysty barlyq suraqtar boıynsha, sonyń ishinde zańnamalyq talaptar men ákimshilik rásimder boıynsha kásibı keńes berý.
- Jobalarǵa járdemdesý: strategıalyq josparlaý, qujattardy daıyndaý jáne memlekettik organdarmen ózara is-qımyldy úılestirýdi qosa alǵanda, jobany júzege asyrýdyń barlyq kezeńderinde kómek kórsetý.
- Memlekettik qyzmetterdi alý: ruqsattar, lısenzıalar jáne basqa da qajetti qujattardy alýǵa járdemdesý, bul týrısik jobalardy iske qosý men júzege asyrýdy edáýir jedeldetedi.
Jobalyq keńse Almatyǵa biregeı týrısik ónimder men ınfraqurylymdardy jasaýǵa múddeli jańa ınvestorlar men kásipkerlerdi tartady dep kútilýde. Bul óz kezeginde jańa jumys oryndaryn ashyp, óńirdiń ekonomıkalyq ósýine yqpal etedi. Jańa Jobalyq keńse bıznes ókilderimen, komersıalyq emes uıymdarmen jáne memlekettik qurylymdarmen yntymaqtastyqqa ashyq.
Jobalyq keńseniń mekenjaıy:
Almaty qalasy, Bostandyq aýdany, Baızaqov kóshesi, 303, 2-qabat
Jumys kestesi:
Dúısenbi – juma, 9:00-den 18:00-ge deıin
Túski úzilis 13:00-den 14:00-ge deıin
Baılanys:
Telefon: +7 (727) 225-10-83
Elektrondy poshta: info@abdc.kz