Arnaıy is-sharany esirtki qylmysyna qarsy kúres basqarmasy Almaty qalasy Túrksib aýdanynda júrgizgen.
31 jastaǵy jergilikti turǵyn ustaldy, ony tintý kezinde quramynda erekshe ıisi bar aq tústi untaq zat salynǵan baılamdar men býmalar tárkilendi, dep habarlaıdy aqshamnews.kz Polisia.kz-ke silteme jasap.
— Al ustalǵan azamattyń kóliginen esirtki zattaryn tasymaldaýǵa arnalǵan osyǵan uqsas zattary bar sporttyq sómke jáne basqa da qural-jabdyqtar tabylyp, tárkilendi. Saraptama qorytyndysyna sáıkes, tárkilengen zat jalpy salmaǵy 1 keli 247 gram bolatyn “a-PVP” psıhotroptyq zaty. Túrksib aýdandyq PB-da esirtki satý deregi boıynsha qylmystyq is qozǵaldy. Kúdikti ýaqytsha ustaý ızolátoryna qamaldy, - dedi Almaty qalalyq PD esirtki qylmysyna qarsy kúres basqarmasynyń bastyǵy Murat Jumabaev.