Almatyda polısıa qyzmetkeri óz áriptesin atyp tastady.
Bul týraly aqparat áýeli Kozachkov Telegram kanalynda paıda boldy, dep habarlaıdy Almaty-akshamy.kz.
Taraǵan aqparat boıynsha, oq atqan - 28 jastaǵy serjant. Ol jábirlenýshimen birge tamaqtanatyn bólmede otyrǵan.
Oq PM qyzmettik qarýynan atylǵan. Qyzmetker alǵan jaraqatynan sol jerde mert boldy.
Kýágerdiń aıtýynsha, polıseıler arasynda janjal bolmaǵan, olar jaı sóılesip otyrǵan.
Almaty qalalyq polısıa departamenti aqparatty rastady.
Vedomstvo málimetinshe, oqıǵa 5 maýsymda bolǵan. Polısıa qyzmetkeri qyzmettik qarýmen abaısyzda óz áriptesine oq atqan, jábirlenýshi alǵan jaraqatynan qaıtys bolǵan.
«Atalǵan derek QR QK 104-baby boıynsha sotqa deıingi tergeýdiń biryńǵaı tizilimine tirkeldi. Tıisti saraptamalar taǵaıyndaldy»,- dep habarlady vedomstvodan.