Osy jyldyń 13-19 qańtar aralyǵynda Almaty polısıasy qylmystyq atqarý júıesi departamentindegi áriptesteriniń kómegimen buryn sottalǵan adamdar tarapynan qaıtalanatyn qylmystardyń aldyn alýǵa baǵyttalǵan «Profılaktıkalyq baqylaý» jedel aldyn alý is-sharasyn ótkizýde, dep habarlaıdy aqshamnews.kz Polisia.kz-ke silteme jasap.
– İs-shara kezeńinde turǵylyqty jeri boıynsha esepte turǵan 1416 adam tekserildi. Onyń ishinde esirtki qoldanýdyń 4 deregi anyqtaldy. Belgilengen mindetterin buzǵany úshin profılaktıkaǵa jatatyn 35 adamǵa qatysty sot sheshimimen shartty túrde merziminen buryn bosatýdyń kúshi joıylyp, bas bostandyǵynan aıyrý oryndaryna qaıtaryldy. Sonymen qatar buryn sottalǵan 26 adamǵa qatysty ákimshilik qadaǵalaý belgilendi, – dedi Almaty qalalyq PD jergilikti polısıa qyzmeti basqarmasy bastyǵynyń orynbasary Aıtan Eleýsizov.
Baıandamashynyń aıtýynsha, qoǵamnan oqshaýlanbaǵan jáne probasıalyq esepte turǵan sottalǵandar tarapynan sot belgilegen mindetterdi buzýdyń 15 deregi anyqtaldy. Tıisti shara qoldaný úshin materıaldar probasıa qyzmetine jiberildi.