Elimiz boıynsha jel kúsheıip, tuman jáne kóktaıǵaq bolady.
Atlant muhıtynan kelgen ylǵalǵa toly sıklon Qazaqstan aýmaǵyndaǵy aýa raıyna yqpal etedi, dep habarlaıdy aqshamnews.kz
Sıklonnyń frontaldy bólikterinde qar, burqasyn kútiledi, elimizdiń batysy men ońtústiginde, al 20-21 qańtarda soltústik óńirlerde jańbyr men qar aralas jaýyn-shashyn boljanyp otyr.
18 qańtarda Túrkistan oblysynda túnde qatty jaýyn-shashyn kútiledi.
Qatty qar 20 qańtarda Ulytaý, 21 qańtarda Aqtóbe, Qostanaı jáne Soltústik Qazaqstan oblystarynda, 21-22 qańtarda Aqmola oblysynda, 22 qańtarda Pavlodar, Qaraǵandy, Túrkistan, Jambyl jáne Abaı oblystarynda jaýady. 22-23 qańtarda Shyǵys Qazaqstan, Almaty jáne Jetisý oblystaryndada kútiledi.
22 qańtardan bastap sýyq aýa massasy taralyp, túnde temperatýra aıtarlyqtaı tómendeıdi:
batysta temperatýra 10-20 gradýs aıaz;
soltústik-batys pen soltústikte 20-30 gradýs aıaz;
ortalyq pen shyǵysta 25-35 gradýs aıaz;
ońtústikte 12-25 gradýs aıaz;
Qazgıdromet mamandary el turǵyndaryn qatty aıaz ben kúrdeli aýa raıyna daıyn bolýǵa shaqyrdy.