"Zań jáne tártip" qaǵıdaty men "Profılaktıka jyly" aıasynda Almaty qalasynyń uıymdasqan qylmysqa qarsy kúres qyzmetkerleri joǵary oqý oryndary men kolej stýdentterine arnalǵan quqyqtyq oqytý sıklin ótkizdi.
İs-sharanyń basty maqsaty – jastar arasyndaǵy quqyq buzýshylyqtyń aldyn alý, stýdentterdiń quqyqtyq saýattylyǵyn arttyrý jáne zańǵa baǵynýshylyq mádenıetin qalyptastyrý, - dep habarlaıdy Aqshamnews.kz Polisia.kz-ke silteme jasap.
Polıseıler sabaq barysynda quqyq buzýshylyq túrleri men olardyń saldary týraly aıtyp, naqty ómirlik mysaldar keltirdi. Sondaı-aq zańdy bilýdiń jáne ony saqtaýdyń azamattyq jaýapkershilikti arttyrýdaǵy mańyzyn túsindirdi.
– Bizge deni saý, belsendi ári zańdy qurmetteıtin jastar qajet. "Zań jáne tártip" qaǵıdaty tek polısıa qyzmetinde ǵana emes, ómirimizdiń barlyq salasynda, sonyń ishinde bilim berý júıesinde de bolýy tıis. Profılaktıkalyq jumystyń negizgi máni – jastardy sanaly qoǵam múshesi retinde qalyptastyrý, – dedi Almaty qalalyq polısıa departamenti uıymdasqan qylmysqa qarsy kúres basqarmasynyń bastyǵy Janat Nurǵalıev.
Polısıa departamentiniń málimetinshe, mundaı kezdesýler quqyq qorǵaý organdary men oqý oryndary arasyndaǵy ózara yntymaqtastyqty nyǵaıtyp, jastardyń jeke jáne qoǵamdyq qaýipsizdikke jaýapkershilikpen qaraýyna yqpal etedi.