Almatyda jyl basynan beri terorızm aktisi týraly kórineý jalǵan habarlama bergen úsh telefon lańkesi ustaldy.
Bir jaǵdaıda, ekstremızmge qarsy kúres bólimshesiniń habarlaýynsha, jasóspirim saýda ortalyqtarynyń birin “mınalanǵan” dep habarlap, ázildesýdi oılaǵan.
«Kóbinese kúdiktiler jarylǵysh zatty adamdar kóp jınalatyn oryndarǵa qoıady. Sonymen qatar ázilqoılar qalyptasqan jaǵdaıdyń qanshalyqty aýyr ekendigin jáne yqtımal saldaryn túsinbeıdi. Terorızm aktisi týraly jalǵan aqparat berý nysandardyń qyzmetin buzady jáne quqyq qorǵaý organdary men arnaıy qyzmetterdiń kúshin naqty qylmystar men oqıǵalardan alshaqtatady, sondaı-aq materıaldyq shyǵyn túrindegi eleýli zalalǵa ákep soǵady», – dedi Almaty qalalyq PD ekstremızmge qarsy kúres basqarmasynyń bastyǵy Ábiqulov Darhan.
Polısıada terorızm aktisi týraly jalǵan habarlaý qoldanystaǵy qylmystyq zańnamaǵa sáıkes bes jylǵa deıin bas bostandyǵynan aıyrýǵa jazalanatynyn eske saldy. Sonymen qatar jalǵan lańkester sot sheshimine sáıkes oqıǵa ornyna jedel áreket etý qyzmetin jalǵan shaqyrǵany úshin shyǵyndy tolyǵymen óteıdi.