Almatynyń Qala qurylysyn baqylaý basqarmasy Ermensaı sh/a, 7 burysh, 8/1 ýchaskedegi TÚK-niń úshinshi qabatyn buzýdyń bastalǵany týraly habarlaıdy.
Tapsyrys berýshi (jeke tulǵa) eki qabatty úıdiń qurylysyna ruqsat qujattaryn alǵan, biraq ol qosymsha taǵy bir qabat turǵyzǵan, bul jospardan tys tekserý barysynda anyqtaldy.
Sonyń nátıjesinde menshik ıesine qatysty QR ÁQBtK 316-baby 1, 462-baby 3 boıynsha ákimshilik sharalar qabyldandy.
Basqarmanyń talap-aryzy boıynsha sot talqylaýlarynyń qorytyndysyna sáıkes, 2022 jyly 15 maýsymda Almaty qalalyq soty 3-qabatty buzý týraly sheshim shyǵardy.
Nysannyń qabatyn buzý búgin Ádilet departamenti sot oryndaýshylarynyń qatysýymen bastaldy. Tómengi qabattarǵa zaqym keltirmeý úshin qolmen buzylyp jatyr.
«Jer ýchaskeleriniń menshik ıeleri men qurylys kompanıalaryn QR Sáýlet jáne qala qurylysy qyzmeti týraly Zańnyń jáne qurylys salýdy uıymdastyrý erejeleriniń buzylýyna jol bermeýge jáne qurylysty tek zańdy negizde bastaýǵa shaqyramyz. Olaı bolmaǵan jaǵdaıda sot satysynda isterdi qaraýmen jáne keıinnen buzýdyń joǵary yqtımaldyǵymen zańnama aıasynda jaýapkershilik qaýip tóndiredi», - dep atap ótti Basqarmada.
Esterińizge sala keteıik, buǵan deıin Almaty ákimi Erbolat Dosaev zańsyz qurylysty baqylaýdy kúsheıtýdi tapsyrǵan bolatyn.
Jalpy, qalada talap qoıý qyzmetiniń nátıjeleri boıynsha ótken jyldan bastap 34 zańsyz nysan tolyǵymen nemese jartylaı buzyldy, onyń ishinde bıznes-ortalyqtar, meıramhanalar, qosalqy ǵımarattar men avtoservıster, sondaı-aq «Mechta» jáne KHAN sıaqty iri turǵyn úı keshenderi bar.