Almatynyń barlyq egý pýnktterinde Pfizer preparatymen vaksına egiledi
Almatydaǵy vaksınalaý qarqyny týraly aqparatty Óńirlik komýnıkasıalar qyzmetiniń baspasóz konferensıasynda qalalyq qoǵamdyq densaýlyq basqarmasynyń basshysy Narıman Tabynbaev málimdedi, dep habarlaıdy almaty-akshamy.kz
Onyń aıtýynsha, olardyń vedomstvosy VAK-tan Pfizer vaksınasyn qoldaný týraly naqty túsinik aldy Narıman Tabynbaev búginde Almatyda 137 egý pýnkti ornalastyrylǵanyn, olardyń barlyǵynda vaksınalaý júrgiziletinin atap ótti.
«Úkimet birinshi kezeńde vaksınalanatyn úsh basym topty anyqtady. 12-18 jas aralyǵyndaǵy balalardy, sondaı-aq júkti jáne bala emizetin áıelderdi vaksınasıalaý úshin Pfizer preparatyn ákelý josparlanýda. Sonymen qatar, bul vaksınany mektepterge barý arqyly júrgizýge ruqsat etiledi. Qazirgi ýaqytta Almatyda osy jastaǵy vaksınalaýǵa jatatyn 174 600 bala bar. Bala emizetin áıelder – shamamen 67 000, júkti áıelder – 20 500. Bizde bul tizimder bar. Vaksınalaý erikti túrde jáne ata-analardyń kelisimimen júrgiziledi», - dedi Almaty QDB basshysy.
Sonymen qatar, vedomstvoda vaksınany saqtaý boıynsha naqty nusqaýlar bar. N. Tabynbaevtyń aıtýynsha, Pfizer vaksınasy – 60-90 gradýs temperatýrada saqtalýy tıis. Bul - ázirleýshilerdiń basty talaby.
«Eritilgennen keıin ampýlalardy 2-8 gradýs temperatýrada saqtaýǵa bolady. Preparatty jalpy alǵanda 30 kúnge deıin sýyq tizbekti saqtaı otyryp qoldanýǵa bolady, osy ýaqyt ishinde ol óziniń qasıetterin saqtaıdy», - dep tolyqtyrdy Narıman Tabynbaev.
Almaty QDB basshysy búginde vaksınanyń birinshi komponentin 983 267 adam alǵanyn, ekinshi komponentin 908 697 qala turǵyny saldyrǵanyn habarlady. Ol koronavırýsqa qarsy vaksınalaný densaýlyqqa zıandy ári sońy ólimge aparatyn dertten qorǵanýdyń eń tıimdi jáne jalǵyz ádisi ekenin atap ótti.