Almaty polısıasynda myńnan astam áıel qyzmet etedi.
Mereke qarsańynda Almaty qalasynyń áıel polıseıleriniń qurmetine kóktemgi jáne tanymal hıtter aıtyldy. Olardyń qurmetine búgin naǵyz mereke uıymdastyrylýda, dep habarlaıdy aqshamnews.kz Polisia.kz-ke silteme jasap.
— Bizdiń áriptester Qazaqstan polısıasynyń barlyq bólimshelerinde erlermen birdeı kúndiz-túni qyzmet etedi. Azamattardyń tynyshtyǵy men qoǵamdyq tártipti saqtaý jolynda kún saıyn óz densaýlyǵy men ómirine qaýip tóndire otyryp, olar ózderiniń qyzmettik mindetterin erlikpen jáne janqıarlyqpen atqarýda. Bul jerde mundaı áıelderdi álsiz jynys dep ataýǵa bolmaıtynyn atap ótken jón, óıtkeni olar qyzmet etýden basqa, otbasy berekesin saqtaýshylar, qamqor analar jáne súıikti jubaılar. Búginde elimizdiń qoǵamdyq-saıası ómirine áıelderdiń kóp bóligi qatysyp, Qazaqstan Respýblıkasyndaǵy qoǵamdyq-saıası turaqtylyqqa qol jetkizýge zor úles qosýda, - dedi Almaty qalalyq polısıa departamentiniń bastyǵy Arystanǵanı Zapparov.
Kóktem merekesi qarsańynda Almaty qalasynyń barlyq polıseı áıelder İshki ister mınıstriniń, qala ákiminiń jáne polısıa bepartamentiniń gramotalarymen, marapattarymen jáne alǵys hattarymen marapattaldy.
— Osy mereke kúni ardager áıelderimizge sheksiz alǵysymyzdy bildiremiz. Olardyń kóp jylǵy qyzmeti, baı tájirıbesi men kásibı biliktiligi óskeleń urpaq polıseılerge qyzmettik boryshyn adal atqarýdyń, adaldyq pen adamǵa degen qurmettiń úlgisi. Qurmetti áıelder! Bul kúnderi Sizderge qanshama jyly lebizder aıtylsa da, al onyń kóp bolary sózsiz, júregimizdegi tereń qurmet, súıispenshilik, rızashylyq sezimderin tolyq jetkize almaıdy. Biz Sizderdi maqtan tutamyz. Sizder bizdiń ómirimizdi jarqyn etesizder, - dedi Arystanǵanı Zapparov.