Almatyda patrúldik polısıa qyzmetkerlerine alǵashqy medısınalyq kómek kórsetý sabaǵy ótkizildi, dep habarlaıdy Almaty-akshamy.kz Polisia.kz-ke silteme jasap.
Kelesi tájirıbelik sabaq jaýyngerlik bólimniń tańǵy sap túzeýinde ótti.
«Bizge dástúrli túrde “Qazaqstannyń Qyzyl jarty aıy” ÚEU-nyń ókilderi kómektesedi. Olar jaraqattar men jazataıym oqıǵalar kezindegi alǵashqy medısınalyq kómek kórsetý boıynsha sabaqtar sıklin únemi ótkizedi. Bul tájirıbelik sabaqtar teorıalyq ádebıetter men alǵashqy medısınalyq kómek qobdıshalaryn taratýmen birge júredi. Tájirıbede polısıa qyzmetkerleri zardap shekkenderge nemese bosanatyn áıelderge alǵashqy medısınalyq kómek kórsetetin jaǵdaılar kezdesedi. Adamdarǵa zıan tıgizbeý úshin ony durys jasaý mańyzdy», – dedi Almaty qalalyq PD Jergilikti polısıa qyzmeti basqarmasynyń bastyǵy Erjan Uzabaev.
Sondaı-aq, Almaty polısıasy 19 shilde men 18 tamyz aralyǵynda “Qaýipsiz jol” respýblıkalyq aılyǵy ótip jatqanyn atap ótti.
«Polısıa qyzmetkerleri jol-kólik oqıǵalaryn azaıtý jáne jol-kólik oqıǵalarynyń aldyn alýǵa, oǵan qatysýshylar arasynda jol qozǵalysy qaýipsizdigi talaptarynyń saqtalýyn qadaǵalaýǵa, durys qoǵamdyq tártipti, jol qaýipsizdigin qamtamasyz etýge, sondaı-aq qylmystar men basqa da zańsyz kórinisterdi der kezinde aldyn alýǵa jáne jolyn kesýge basa nazar aýdarady. Sonymen qatar, qoǵamdyq kólikter arasynda jol qaýipsizdiginiń aldyn alý jumystary kúsheıtildi», – dedi E. Uzabaev.