Kúdiktini "Aqbulaq" yqshamaýdanyndaǵy jeke úılerdiń birinde jasalǵan urlyqtan keıin polısıanyń arnaıy jasaǵy ustady, dep habarlaıdy Almaty-akshamy.kz Polisia.kz-ke silteme jasap.
«Bul – Aqmola oblysynyń 33 jastaǵy A.esimdi turǵyny. Aldyn ala málimet boıynsha, kúdikti tek Almaty qalasy Alataý aýdanyndaǵy jeke sektorda urlyqpen aınalysyp júrgen. Sonymen qatar, onyń qylmystyq is-áreketiniń keńeıtilgen geografıasy da joqqa shyǵarylmaıdy. Ustalǵan adamnyń jeke basy muqıat tekseriletin bolady. Qaskóıdi bóten adamdardyń úılerindegi shaǵyn sıfrlyq jabdyqtar, mobıldi qurylǵylar men gadjetter qyzyqtyrǵany belgili boldy. Tergeý barysynda qazirge deıin osyndaı alty epızod anyqtaldy. Aýdandyq polısıa basqarmasynda qylmystyq is tirkeldi», – dedi Almaty qalalyq polısıa departamenti bastyǵynyń orynbasary Dıdar Ahanov.
Kúdikti qamaýǵa alyndy. Zattaı aıǵaqtar tárkilendi. QR QPK-niń 201-babyna sáıkes tergeý múddesin kózdeıtin ózge de málimetter jarıa etýge jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-babynyń 1-bóligine sáıkes, sottyń zańdy kúshine engen úkimimen onyń qylmystyq quqyqbuzýshylyq jasaýdaǵy kinási anyqtalǵanǵa deıin árkim kinásiz dep esepteledi.