Ustalǵandar qamaýǵa alyndy.
Almatyda páter urlyǵymen aınalysqan top ustaldy, – dep habarlaıdy Almaty-akshamy.kz Polisia.kz-ke silteme jasap.
Bul joly arnaıy is-shara barysynda polıseıler tórt adamdy ustady: úsh ury men bir urlanǵan zatty satyp alýshy. Krımınaldyq polısıanyń málimetinshe, bul toptyń kem degende 4 páter urlyǵyna qatysy bar.
«Bir qyzyǵy, qaskóıler qala turǵyndarynyń kópshiligi jumysta, mektepte nemese issaparda bolatyn ýaqytta urlyq jasaǵan. Onyń ústine úshtik kópqabatty úılerdiń páterlerin tonaǵan. Belgili bolǵandaı, olar kameradan da tartynbaǵan: birneshe qylmystyq epızod beınebaqylaý júıesi arqyly jazylyp qalǵan. Kúdiktiler Aqbulaq yqshamaýdanynda bolǵan urlyqtan keıin ustaldy. Sol kezde qaskóıler bótenniń quny 1,5 mıllıon teńgeden asatyn múlkin urlaǵan», dedi Almaty qalalyq polısıa departamenti bastyǵynyń orynbasarynyń mindetin atqarýshy Qýatbek Naýatov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.