Alaıaq almatylyqtarǵa páter alýǵa kómektesemin dep ýáde etken.
1999 jyly týǵan A.esimdi azamat isker bolyp shyqty. Ol QR QPK-niń 128-babyna sáıkes, ustalyp, ýaqytsha ustaý ızolátoryna qamaldy, dep habarlaıdy Almaty-akshamy.kz Polisia.kz-ke silteme jasap.
«Qazirgi kezeńde tergeý ustalǵan azamattyń 10 alaıaqtyq deregine qatystylyǵyn anyqtady jáne jalpy materıaldyq shyǵyn anyqtalyp jatyr. Jas jigit azamattardyń senimine kirip, olarǵa ıpotekalyq páterler alyp berýge ýáde bergen. Ol únemi 400-500 myń teńge kóleminde aldyn ala tólem alyp otyrǵan. Sodan keıin habarsyz ketken», – dedi Áýezov aýdandyq PB-ǵa qarasty polısıa bóliminiń bastyǵy Edilhan Baıǵaraev.
Kúdikti qamaýǵa alyndy. Qylmystyq is boıynsha óndiris jalǵasyp jatyr. Tergeýshiler aldaýdyń jańa derekterin anyqtap jatyr.