Baıqaýǵa 50-den astam túrli ult ókilderinen quralǵan polısıa qyzmetkerleri qatysty.
Almaty qalalyq polısıa departamentinde patrıottyq rýhynda jáne Otanǵa degen súıispenshilikke tárbıeleý, sondaı-aq memlekettik tildiń qoldanysy men oqý aıasyn keńeıtý maqsatynda polısıa qyzmetkerleri arasynda dástúrli «Parasatty polıseı» baıqaýy ótti.
Olar ártúrli shyǵarmashylyq tapsyrmalardy oryndaýda jáne kásibı termınderdi bilýde sheberlikterin, ártistikterin, tapqyrlyqtaryn jáne memlekettik tilde óz oıyn ádemi, durys jetkize bilýdi, sondaı-aq daryndary men shyǵarmashylyq qabiletterin de kórsetti.
« «Parasatty polıseı» baıqaýy QR Konstıtýsıasy kúnine, Qazaqstan halqynyń tilderi Kúnin merekeleýge arnalǵan. Maqsaty – ishki ister organdary qyzmetkerleri arasynda memlekettik tildi damytý. Baıqaý joǵary deńgeıde ótti. Búgin qatysýshylar kásibı sheberlikterin kórsetip qana qoımaı, daryndylyǵymen de kózge tústi», – dedi Almaty qalalyq polısıa departamenti bastyǵynyń orynbasary Oljas Myrzabekov.
Jarys qorytyndysy boıynsha birinshi oryn JQAJ komandasyna, ekinshi oryn Almaly aýdandyq polısıa basqarmasynyń komandasyna, úshinshi oryn Bostandyq aýdandyq polısıa basqarmasynyń qyzmetkerlerine buıyrdy.