Almaly aýdanynyń turǵyndarymen kezdesý barysynda Almaty ákimi Erbolat Dosaev joldardaǵy qozǵalysty retteý boıynsha júrgizilip jatqan jumystar týraly aıtyp berdi, dep habarlaıdy aqshamnews.kz
«Qalada joldardaǵy qaýipsizdikti arttyrý jáne trafıkti basqarý boıynsha jumystar belsendi júrgizilýde. Búgingi tańda bul fýnksıalar Polısıa departamentine júktelgen, biraq İİM trafıkti basqarý boıynsha fýknsıalardyń bir bóligin qala ákimdigine berýdi maquldady. Sondyqtan biz qalada buryn-sońdy bolmaǵan Jol qozǵalysyn uıymdastyrý ortalyǵyn qurýdy josparlap otyrmyz. Qazir biz osy aýqymdy jobany júzege asyrýǵa daıyndalyp jatyrmyz», - dedi Erbolat Dosaev.
Megapolıs ákimi bıyl baǵdarsham nysandaryn jańǵyrtý jalǵasatynyn atap ótti. Búgingi tańda qoldanystaǵy 591 baǵdarsham obektisiniń 93-i eýropalyq elektrondyq jabdyqtarmen tolyqtyrylǵan, bul baǵdarsham obektilerin adaptıvti basqarý júıesin engizýge múmkindik berdi.
Aǵymdaǵy jyly qalǵan 498 baǵdarsham nysanyn jańǵyrtýdy jalǵastyrý josparlanýda. Jumystar aıaqtalǵannan keıin baǵyttar boıynsha naqty qozǵalys qarqyndylyǵyn eskere otyryp, naqty ýaqyt rejıminde qıylystardaǵy jol qozǵalysyn retteý qamtamasyz etiletin bolady. Sondaı-aq, kólik qozǵalysynyń statısıkasyn esepteý, adaptıvti rejımdegi ýaqytty keri sanaý tablosynyń jumysy, mamandandyrylǵan kólikti basymdyqpen ótkizý qarastyrylǵan.