Oqıǵa 1 qazan kúni Almaty qalasy Túrksib aýdanyndaǵy aıyppul turaǵy aýmaǵynda tirkeldi.
33 jastaǵy er adam aldymen kóligin, sosyn ózin órtep jibergen, dep habarlaıdy aqshamnews.kz Polisia.kz-ke silteme jasap.
– Saǵat 13:10-da mamandandyrylǵan patrúldik polısıa batalónynyń ekıpajy Subaru kóligin toqtatty. Kólik ıesiniń 1,300 mln teńge kóleminde tólenbegen aıyppuly bolǵan. Tekserý kezinde júrgizýshiniń mindetti saqtandyrý polısi bolmaǵan. Belgilengen erejelerge sáıkes, kólik quraly mamandandyrylǵan aıyppul turaǵyna qoıylýy tıis, júrgizýshi biraz ýaqyttan keıin osynda qaıtyp kelgen. Júrgizýshi kóliktiń ishinde otyryp, kólik quralyna sosyn ózine benzın shashyp, jaǵyp jiberdi. Polısıa qyzmetkerleri er adamdy qutqarý úshin jedel sharalar qabyldady. Órt sóndirgishpen jáne qolda bar quraldarmen órtti sóndirdi. Júrgizýshi shuǵyl túrde aýrýhanaǵa jetkizildi. Kólikti sóndirýge polısıa qyzmetkerleri men oqıǵanyń kýágerleri qatysty, – dedi Almaty qalalyq PD jergilikti polısıa qyzmeti basqarmasynyń bastyǵy Serik Shýmaev.