Ekologıa jáne qorshaǵan orta basqarmasy bıyl naýryz aıynda Saıran, Qarasý jáne Áýejaı ózenderin mehanıkalyq tazartý jumystaryna kiristi. Sý qoımalarynyń túbin qurǵatý úshin olardy sýmen qamtamasyz etetin Esentaı, Úlken jáne Kishi Almaty ózenderiniń aǵysy toqtatyldy, dep habarlaıdy Almaty-akshamy.kz.
Saıran sý qoımasynyń túbi sońǵy 50 jyldan beri alǵash ret tazartylýda. Qoqys pen laıdan tazalaý jumystaryna 4 ekskavator men 30 samosval jumyldyryldy. Jobalyq aýdany 60 ga quraıtyn aýmaqtan 140 myń m3-tan astam qoqys pen laı shyǵaryldy. Tazartý jumystaryn jaqyn kúnderi aıaqtaý josparlanǵan.
Maýsym aıynyń sońyna deıin Esentaı ózeniniń ál-Farabı dańǵylynan Shevchenko kóshesine deıingi bóligin mehanıkalyq tazartýdy aıaqtaý josparlanýda. Sonymen qatar, Esentaı ózeniniń ál-Farabı dańǵylynan Rysqulov dańǵylyna deıingi aralyǵyndaǵy keıbir bólikterine kúrdeli jóndeý júrgizý úshin jobalyq smetalyq qujattama ázirleýge búdjettik ótinish berildi.
Búginde Úlken Almaty ózeniniń №1 tundyrǵyshtan Abaı dańǵylyna deıingi bóligin aınalasyn abattandyrý jáne rekonstrýksıalaý jumystary ázirlenýde. Ózen arnasyn tazartý jumystary qarastyrylǵan joba memlekettik saraptamadan ótýde.
Sondaı-aq, Úlken Almaty ózeniniń №1 tundyrǵyshtan Abaı dańǵylyna deıingi bóligin, Esentaı ózeniniń ál-Farabı dańǵylynan tómen keıbir bólikterin, Esentaı ózeniniń “Dorojnık” shaǵynaýdany men óndiristik baza mańyndaǵy bólikteri, Kishi Almaty ózeniniń ál-Farabı dańǵylynan Sátbaev kóshesine deıingi abattandyrylǵan bóligin sanıtarlyq tazartý, kútip ustaý jumystary júrgizilip jatyr.
Jalpy, Almaty qalasynyń aýmaǵynda 109 aǵyndy sý bar, onyń ishinde iri 49 ózenniń jalpy uzyndyǵy 447 km quraıdy. Eske sala keteıik, byltyr Almatyda jalpy uzyndyǵy 14 km quraıtyn ózen jaǵalaýy bekitilip, abattandyrylǵan bolatyn. Sońǵy jyldary uzyndyǵy 206 km quraıtyn jaǵalaýdy bekitý jumystary júrgizildi, endi taǵy 127,7 km jaǵalaý bekitýdi qajet etedi.