Almatyda 1,5 jyl buryn jasalǵan qaraqshylyq shabýyldyń qatysýshysy ustaldy.
Almatynyń krımınaldyq polısıasynyń málimetinshe, qylmys 2021 jyldyń jeltoqsan aıynda bolǵan, dep habarlaıdy Almaty-akshamy.kz Polisia.kz-ke silteme jasap.
Qylmystyq jolmen baıý maqsatynda eki er adam áleýetti klıentterdiń atyn jamylyp, jeńil júristi qyzdan “qyzmet kórsetýin” surap, ony tonap ketken. Áıeldiń telefony men jınaǵan aqshasyn tartyp alý úshin qaskóıler ony baılap tastaǵan.
«Osy qylmysqa qatysýshylardyń biri ustaldy. Ol sottaldy, jazasyn ótep jatyr. Taǵy bir sybaılasy tergeýden qashyp ketken. Oǵan memleketaralyq jáne halyqaralyq izdeý jarıalanǵan. Kúni keshe kúdikti ustalyp, ýaqytsha ustaý ızolátoryna qamaldy. Bostandyq aýdandyq PB-men qaraqshylyq shabýyl deregine sáıkes QR QK-niń 192-baby 2-bóligi boıynsha tergeý amaldary júrgizilip jatyr», – dedi Almaty qalalyq polısıa departamenti bastyǵynyń orynbasary Dıdar Ahanov.
QR QPK-niń 201-babyna sáıkes ózge aqparattar tergeý múddesine oraı jarıalaýǵa jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyqbuzýshylyq jasaýda kinásiz dep tanylady.