Bul qylmystyń jazasy - múlki tárkilenip, 7 jylǵa deıin bas bostandyǵynan aıyrý.
Almaty prokýratýrasy ózin Tótenshe jaǵdaılar mınıstrligi qyzmetkerlerimiz dep tanystyryp, jergilikti kásipkerlerden aqsha bopsalaǵan «Nur-Sultan Prom Bezopasnost JSHS qyzmetkerlerine qatysty sotaldy tergeýdi aıaqtady, dep habarlaıdy Almaty-akshamy.kz
Qadaǵalaý organynyń baspasóz qyzmetiniń málimetinshe, tergeý kezinde kúdiktilerdiń Almatydaǵy Naýryzbaı jáne Áýezov aýdandaryndaǵy 24 kásipkerge qatysty bopsalaý isine qatysy bary anyqtalǵan.
Birinshi kezeńde uıymnyń tehnıkalyq qyzmetkeri retinde esepte turǵan 1991 jáne 1995 jyly týǵan eki adam ustaldy. Keıinnen seriktestik dırektorynyń 1995 jylǵy orynbasarynyń qatysy bar ekeni anyqtaldy, oǵan da Qazaqstan Respýblıkasy Qylmystyq kodeksiniń 190-baby 3-bóligi 4-tarmaǵy «Birneshe ret jasalǵan alaıaqtyq» boıynsha aıyp taǵylǵan.
«Bul qylmystyń jazasy - múlki tárkilenip, 7 jylǵa deıin bas bostandyǵynan aıyrý. Sotaldy tergep-tekserý qorytyndysy boıynsha, Almaty qalasy Naýryzbaı aýdanynyń prokýratýrasy qylmystyq isti sotqa qaraýǵa jiberdi. Mundaı zańsyz áreketter bızneske qysymdy tómendetý boıynsha júrgizilip jatqan memlekettik sharalardyń bedelin túsiredi jáne zıan keltiredi», - dedi prokýratýra.