Óńrlik komýnıkasıalar qyzmetinde ótken brıfıńte Almaty qalalyq Qoǵamdyq densaýlyq saqtaý departamentiniń ókili Gúljaınat Tilegen koronavırýsqa qatysty jaǵdaı týraly aıtty.
Onyń aıtýynsha, koronavırýstyń jańa nusqalaryna qarsy qorǵaný sharalary burynǵysynsha saqtalady, megapolıs turǵyndaryna vaksına men qaıta ekpe alýdy jalǵastyrý qajet. Gúljaınat Tilegen dárigerlerdiń aýrýmen qalaı kúresetinin aıtyp berdi, dep habarlaıdy Almaty-akshamy.kz.
"8 tamyzda Almatyda koronavırýstyq ınfeksıanyń 200 jaǵdaıy tirkeldi, onyń ishinde 193 jaǵdaı aýrý belgisimen. Búgingi tańda qala stasıonarlarynda 123 naýqas emdelýde, barlyǵy 500 tósek-oryn bar. Dárigerlerdiń baqylaýynda 1 662 pasıent bar", - dedi Qoǵamdyq densaýlyq saqtaý basqarmasynyń ókili.
G.Tilegenniń aıtýynsha, negizgi aldyn alý sharasy koronavırýstyq ınfeksıaǵa qarsy vaksınasıa jáne revaksınasıa bolyp qala beredi. Ol Almatyda halyqty jappaı vaksınasıalaý ótken jyldyń 2 sáýirinde bastalǵanyn eske saldy. Búgingi kúni 88 vaksınasıa pýnkti jumys isteıdi, tolyq rejımde 315 adamnan turatyn 99 egý brıgadasy jumys isteıdi.
"Búgingi tańda preparattyń birinshi komponentimen 1 241 540 adam, ekinshi komponentimen 1 207 511 qala turǵyny egildi. Pfizer (Comirnaty) vaksınasymen 119 065 adam egildi, onyń ishinde 4 684 júkti áıel, 15 896 bala emizetin jáne 55 045 jasóspirim. 2021 jylǵy 22 qarashada bastalǵan revaksınasıadan keıin 606 513 adam qaıta ekpe aldy", - dep jalǵastyrdy QDSB spıkeri.
Jýrnalıserdiń saýalyna jaýap bergen Almaty qalalyq QDSB ókili Gúljaınat Tilegen megapolıste barlyq vaksınalar jetkilikti mólsherde ekenin aıtty. Mysaly, «Sınofarm» VeroCell vaksınalary 52 658 myń, Qaz Vas - shamamen 2 myń jáne Pfizer (Comirnaty) shamamen eki myń doza.
Qyrkúıek pen qazan aılarynda Almatyǵa Qaz Vac 28 200 dozada jáne Pfizer (Comirnaty) 26 910 dozada túsedi dep kútilýde. Sońǵy preparat ásirese jasóspirimderge, júkti jáne bala emizetin áıelderge arnalǵan.
Sondaı-aq ol úshinshi vaksına, ıaǵnı revaksınasıa ne úshin qajet ekenin eske saldy.
"Vaksına alǵan adam ózin qaýip-qaterden qorǵaıdy jáne aýrýlardy jeńil túrde qabyldaıdy. Zertteýler koronavırýstyq ınfeksıadan qorǵanys vaksınalardyń alǵashqy dozalaryn alǵannan keıin, ásirese ártúrli shtamdardyń basym bolýyna baılanysty ýaqyt óte kele tómendeı bastaıtynyn dáleldegen. Biz birneshe tolqyndardy, jańa shtammdardy bastan ótkerdik. Kórip otyrǵanymyzdaı, vırýs árbir tolqynda álsirep, mýtasıaǵa ushyraıdy. Ekpe alǵan adamdar anaǵurlym aýrýǵa tózimdi, ımýnıtettiń álsireýi ekpeden alǵan soń 6-12 aıdan keıin bastalady. Vaksınadan keıingi ımýndyq reaksıany kúsheıtý úshin revaksınasıa qajet", - dep túsindirdi QDSB ókili.
Almaty qalasynyń Óńirlik komýnıkasıalar qyzmetiniń habarlamalary men materıaldaryn taratý kezinde ÓKQ - ne silteme jasaý mindetti.