Almatyda Otan qorǵaýshylar kúni men Qazaqstan Qarýly kúshteriniń 30 jyldyǵyna arnalǵan saltanatty shara ótti, dep habarlaıdy Almaty-akshamy.kz Almaty.tv-ge silteme jasap.
Respýblıka saraıynda Almaty qalasy ákiminiń orynbasary Arman Qyryqbaev qala basshysynyń atynan áskerı qyzmetkerlerge, Tótenshe jaǵdaılar departamenti men polısıa qyzmetkerlerine alǵys hattar tabys etti.
Olardyń bári qyzmet barysynda erekshe kózge túsken qyzmetker. Marapattalǵandar qatarynda qańtar oqıǵasy kezinde adamdardy órtten aman alyp qalǵan, jaraly sarbazdardy aýrýhanaǵa jetkizgen tulǵalar da bar.
Marapattaý saltanatynyń sońy konsertke ulasty. Sahnada tanymal estrada juldyzdary óner kórsetti.