Qazaqstandyq Karına Jumajanova juptyq synda 18 jasqa deıingiler arasynda Ystanbulda márege jetken tórtinshi sanattaǵy týrnırde jeńimpaz atandy, dep habarlaıdy Almaty-akshamy.kz Inform.kz-ke silteme jasap.
Karına fransıalyq Margo Fantalamen birge fınalda jarystyń 3-raketkalary - mysyrlyq Marıam Ibrahım, malaızıalyq Sýn Ian Tanmen sheberlik baıqasty.
Qazaqstandyq-fransıalyq jup tartysty básekede 3:6, 6:1, 10:8 esebimen jeńiske jetti.
Karına Jumajanova jekeleı synda shırek fınalǵa deıin jetip, onda norvegıalyq Emılıa Lýndege ese jiberdi – 5:7, 3:6.
Sondaı-aq, Almaty qalasyndaǵy «Eıs» tenıs ortalyǵynda «Almaty Masters 10&Under» týrnıri aıaqtaldy. Oǵan elimizdiń barlyq óńirlerinen 70-ten astam balǵyn tenısshi qatysty.
Qyzdar arasynda fınalda taldyqorǵandyq Aıym Qanaǵatovany jeńgen almatylyq Ádemi Álseıpýlova chempıon atandy. Úshinshi oryn elordalyq Polına Lazarenkoǵa buıyrdy.
Ul balalar arasynda sońǵy synda elordalyq Bolatjan Nurdáýletti súrindirgen óskemendik Iýgaı Lev úzdik shyqty. Qaraǵandylyq Temirlan Jantemirov qola júldege ıe boldy.