Aǵymdaǵy jyly ortasha jóndeý aıasynda uzyndyǵy 200 km-den asatyn 230 kósheni qamtý josparlanýda.
Bul maqsatqa qalalyq búdjetten 20 mlrd teńge bólindi. Ortasha jóndeý joldardaǵy zaqymdardy túzetý, tozǵan joǵarǵy qabattardy qalpyna keltirý boıynsha keshendi jumystardy qamtıdy, dep habarlaıdy Almaty-akshamy.kz.
Jumystardy merdigerlik uıymdardy anyqtaý boıynsha konkýrstyq rásimder aıaqtalǵannan keıin bastaý josparlanýda. Magıstraldyq kóshelerdi ortasha jóndeýdi 27 tamyzǵa deıin aıaqtaý josparlanýda, al aýdandyq mańyzy bar kósheler 30 qazanǵa deıin jóndeledi. Jumys bastalar aldynda ár kóshe boıynsha jumystardy júrgizýdiń josparlanǵan merzimderi bar tizimder jarıalanatyn bolady.
Eske salsaq, usaq zaqymdardyń aldyn alýdy jáne shuǵyl túzetýdi kózdeıtin aǵymdaǵy jóndeý jumystary aıasynda Almatyda shuńqyrlardy biteý, lúkterdi kóterý, jaryqtardy jabý jáne basqa da jumys túrleri júrgiziletin bolady. Osy maqsatqa qalalyq búdjetten 2,8 mlrd teńge bólindi. Aǵymdaǵy jóndeýmen 350 myń sharshy metrden astam aýmaqty qamtý josparlanýda, sondaı-aq 30 km trotýar men 40 aıaldama kesheni jóndeledi.
Jóndeletin kósheler tizimimen tómendegi silteme arqyly tanysa alasyzdar.