Almatyda BUU-nyń óńirlik ortalyǵyn ashý perspektıvalary talqylandy.
Prezıdent Qasym-Jomart Toqaev BUU Bas hatshysynyń saıası máseleler jónindegi kómekshisi Mıroslav Enchany qabyldady, dep habarlaıdy Almaty-akshamy.kz Aqordaǵa silteme jasap.
Memleket basshysy joǵary laýazymdy dıplomatqa iltıpat bildire otyryp, Birikken Ulttar Uıymymen kópjaqty yntymaqtastyqty damytý turǵysynan onyń bul sapary mańyzdy ekenin atap ótti.
Kezdesý barysynda Qazaqstan men BUU arasyndaǵy naqty is-áreketterdiń mańyzdy baǵyttary, sonyń ishinde Ortalyq Azıa boıynsha Preventıvti dıplomatıa jónindegi óńirlik ortalyq aıasyndaǵy máseleler talqylandy.
Almatyda Ortalyq Azıa men Aýǵanstannyń ornyqty damý maqsattary jónindegi BUU-nyń óńirlik ortalyǵyn ashý perspektıvalaryna erekshe nazar aýdaryldy.
Óz kezeginde Mıroslav Encha Qazaqstan men BUU arasyndaǵy yntymaqtastyq deńgeıine, sondaı-aq elimizde júrgizilip jatqan saıası reformalarǵa joǵary baǵa berdi.
Budan bólek, olar óńirlik jáne halyqaralyq kún tártibindegi ózekti máseleler jóninde pikir almasty.
Kezdesý sońynda Qasym-Jomart Toqaev BUU Bas hatshysy Antonıý Gýterrıshke sálemin joldady.