Bıyl 747 oryndyq jańa 13 balabaqsha ashyldy.
Almatynyń Medeý aýdanynda oqýshy oryndarynyń tapshylyǵyn tómendetýge kóp kóńil bólinýde. Bul týraly qala ákimi Erbolat Dosaev aýdan halqymen kezdesý barysynda aıtty, dep habarlaıdy Almaty-akshamy.kz.
« №48 mektepti rekonstrýksıalaý jaǵdaıyn túsindirip óteıin. Osy jyldyń qazan aıynda mektep paıdalanýǵa berilýi kerek edi, alaıda smetada qosymsha jumystardyń esebi bolmaǵandyqtan, joba qaıta túzetýge jiberildi (jobada shatyrǵa arnalǵan materıaldar qarastyrylmaǵan, sýaǵar joq, syrtqy jylý trassasyn tartý, jylý men ystyq sý beretin qazandyqty rekonstrýksıalaý kózdelmegen. Sondaı-aq qurylys materıaldary qymbattaǵan). Osy qazan aıynan beri qurylys-montajdaý jumystary júrip jatyr, 2023 jyldyń sáýir aıynda paıdalanýǵa berý josparlanǵan»,- dedi Erbolat Dosaev.
Sonymen qatar, 300 oryndyq №131 mekteptiń jáne 220 oryndyq №35 mekteptiń qosymsha qurylystaryn salýǵa jobalaý-smetalyq qujattama ázirlenýde. Jobalaý-smetalyq qujattama 2023 jyldyń II-shi toqsanynda aıaqtalady.
«Sondaı-aq, №131 mektepte seısmıkalyq kúsheıte otyryp, kúrdeli jóndeý jumystary júrgizilýde. Bul jumystardy 2023 jyldyń III toqsanynda aıaqtaý josparlanýda. Kelesi jyly «Januıa» arnaıy kesheni, №33 mektep-lıseı jáne J. Jabaev atyndaǵy №161 mektep-lıseı sekildi úsh nysannyń ǵımarattaryn seısmıkalyq kúsheıte otyryp, jobalaý-smetalyq qujattamany ázirleýdi aıaqtaý josparlanýda. Jobalaý-smetalyq qujattama 2023 jyly aıaqtalady. Qazirgi ýaqytta №99 mekteptiń 375 oryndyq qosymsha qurylysyn rekonstrýksıalaýǵa jobalaý-smetalyq qujattama ázirlenýde. Jobalaý-smetalyq qujattama 2023 jyldyń maýsym aıynda aıaqtalady»,- dedi Dosaev.
Qala basshysynyń aıtýynsha, bıyl Medeý aýdanynda 747 oryndyq jańa 13 balabaqsha ashyldy, onyń kóbisi - jeke menshik.
«Osy jyly 400 oryndyq 2 jeke menshik balabaqshany komýnaldyq menshikke qaıtarý jumystary júrgizildi. Onyń biri - «Aqmaral» balabaqshasy (120 oryn) bıylǵy qarasha aıynan beri jumys isteýde. Ekinshisi - «Áıgerim» balabaqshasy (280 oryn) boıynsha kúrdeli jóndeýge jobalaý-smetalyq qujattama ázirlenýde, jumystar 2023 jyldyń sáýir aıynda aıaqtalady», - dedi Erbolat Dosaev.
Sonymen qatar ákimniń aıtýynsha, №112 balabaqshany seısmıkalyq kúsheıte otyryp, kúrdeli jóndeýge saraptamanyń qoryndysy bar. Qurylys-montajdaý jumystary 2023 jyldyń İ toqsanynda bastalady.