«Bıyl uzyndyǵy 27,2 shaqyrym 28 kóshedegi joldar ortasha jóndeýden ótti. Sonymen birge, uzyndyǵy 18,1 shaqyrym 12 kóshege trotýar salyndy. Kelesi jyly uzyndyǵy 55,5 shaqyrym 39 kóshedegi joldarǵa ortasha jóndeý júrgizilip, uzyndyǵy 28,5 shaqyrym 22 kóshege trotýar salynady», – dedi Erbolat Dosaev.
Jyl sońyna deıin 20 kósheni jaryqtandyrý aıaqtalady. Medeý aýdanynyń 86 kóshesine 2025 jyldyń sońyna deıin kóshe shamdary ornatylady.
9 marshrýtty jańartý úshin 101 jańa avtobýs satyp alyndy. Qazirgi tańda 4 marshrýttyń avtobýstary jańartyldy: №69 – 18 avtobýs, №201 – 24 avtobýs, №12 – 16 avtobýs, №71 – 10 avtobýs. Jyl sońyna deıin taǵy 5 marshrýttyń avtobýstary jańartylady: №5, 5a, 5b, 5v – 8 avtobýs jáne №205 – 25 avtobýs.
Bıyl qosymsha №100 – 34 avtobýs marshrýty iske qosyldy. Kelesi jyly Qaldaıaqov kóshesinen «Geolog» baý-baqsha seriktestigine deıin 1 jańa marshrýt iske qosylady.