Almatyda turǵyndarǵa qyzmet kórsetý sapasy men jaılylyǵyn arttyrý úshin oqý jyly bastalǵanǵa deıin marshrýtqa 100 jańa avtobýs shyǵady. Qazirgi ýaqytta qalalyq avtopark 30 avtobýspen tolyqty, qalǵan 70-i jaqyn arada keledi, dep habarlaıdy almaty-akshamy.kz
Bul avtobýstar esebinen jyljymaly quram №37, 38, 38a jáne 201 marshrýttarda jańartylady. Ári №24, 125, 131 marshrýttarǵa avtobýstar qosylady, ıaǵnı qoldanystaǵy marshrýttar jańa avtobýstarmen tolyǵady.
Buǵan deıin megapolıs ákimi Erbolat Dosaev halyqpen kezdesýlerde 2023 jyly Almatyda qosymsha 600 jańa avtobýs satyp alynatynyn habarlaǵan.
«Qoǵamdyq kólikti damytý biz úshin basty basymdyqtardyń biri. Halyqtyń shaǵymynyń deni qoǵamdyq kólik jumysynyń sapasyna, atap aıtqanda keıbir qoldanystaǵy marshrýttardyń jaısyzdyǵyna jáne josparly qozǵalys aralyǵyn saqtamaýǵa qatysty. Sondyqtan biz bul máselelerdi sheshýdi qolǵa alyp jatyrmyz», - dedi ákim.
Qalǵan 500 avtobýsty satyp alýǵa shart jasaldy.
Almatyda barlyǵy 2000-nan astam avtobýs, 163 marshrýt, 24 tasymaldaýshy jumys isteıdi.