Astana medısına ýnıversıtetinde «Travmatologıa men ortopedıadaǵy ınovasıalar» atty halyqaralyq ǵylymı-praktıkalyq konferensıa óz jumysyn bastady
Búgingi tańda elimizdegi travmatologıa jáne ortopedıa salasy ǵylymı zertteýlerdiń keń spektrin júzege asyrýda, jańa medısınalyq tehnologıalar belsendi túrde ázirlenýde jáne engizilýde, dep habarlaıdy Almaty-akshamy.kz.
Konferensıa travmatologıa jáne ortopedıa salasyndaǵy otandyq jáne sheteldik mamandardy, sondaı-aq sabaqtas mamandyqtardyń keń spektrin biriktirdi. İs-shara barysynda tirek-qımyl apparatynyń zaqymdanýy men aýrýlaryn dıagnostıkalaý jáne emdeý, sondaı-aq medısınalyq mekemelerdiń praktıkasyna ınovasıalardy engizý máselelerin talqylaý josparlanýda.
Baǵdarlamada Reseı, Qytaı, Túrkıa, Germanıa, Úndistan, BAÁ jáne Ózbekstan sarapshylarynyń kúrdeli operasıalaryn taldaıtyn master-klastary josparlanǵan.
Qazaqstan Respýblıkasynyń Densaýlyq saqtaý mınıstri Ajar Ǵınıat óziniń quttyqtaý sózinde Memleket basshysy saıasatynyń arqasynda otandyq densaýlyq saqtaý salasy óz damýynda serpilis jasaı alǵanyn, bul qazaqstandyqtardyń ómir súrý sapasyna oń áser etkenin atap ótti.
«Elimizde ekonomıkalyq ál-aýqattyń ósýimen tikeleı baılanysty densaýlyq saqtaý salasynyń josparly damýy baıqalady. Joǵary tehnologıalardy, álemdik jetistikterdi josparly paıdalanýdy jedeldetý, dárigerlik kadrlardy daıarlaý jáne olardyń biliktiligin arttyrý, tirek-qımyl apparatynyń zaqymdanýy men aýrýlary kezinde dıagnostıka men emdeýdiń jańa tehnologıalaryn belsendi engizý mańyzdy», - dep atap ótti mınıstr óz sózinde.
Konferensıa medısına ǵylymdarynyń doktory, profesor, Qazaqstan Respýblıkasy jaratylystaný ǵylymdary akademıasynyń tolyq múshesi, ǵylymǵa qosqan zor úlesi úshin Ál-Farabı kúmis medaliniń laýreaty Álibek Janpeıisuly Ábdirahmanovtyń 80 jyldyǵyna oraılastyrylǵan.
Konferensıa sheńberinde Densaýlyq saqtaý mınıstri Ajar Ǵınıat profesor Ábdirahmanovqa akademık N. J. Batpenov ataǵyn travmatologıa jáne ortopedıa ulttyq ǵylymı ortalyǵynyń qurmetti profesory ataǵyn tabys etti.