Almatydaǵy ónerkásip parkteriniń aýdany 2025 jylǵa qaraı 250 myń m2-ge deıin úlkeıedi
Bul týraly ÓKQ brıfıńinde Almaty qalasy kásipkerlik jáne ınvestısıalar basqarmasynyń basshysy Berik Soltanbaev málimdedi, dep habarlaıdy Almaty-akshamy.kz
Shaǵyn ónerkásiptik parkterge bıznes tarapynan joǵary qyzyǵýshylyq osy aýmaqtardyń damýyna túrtki bolady. Alańdar kásipkerler tarapynan suranysqa ıe, al jeńildetilgen sharttar baǵdarlamaǵa jańa qatysýshylaryn tartady.
«Rezıdentter úshin 3 jylǵa deıingi merzimge 1 350 teńgeden komýnıkasıalary tartylǵan árlengen úı-jaılar kózdelgen, keıinnen jalǵa beriletin úı-jaıdyń bir sharshy metrin 180 myń teńgeden satyp alý múmkindigi bar, sonymen qatar, ónerkásip parkteriniń rezıdentterine 7 jylǵa deıingi merzimge 70 mln teńgege deıingi somaǵa jyldyq 2%-ben jeńildetilgen nesıe beriledi», - deid Berik Soltanbaev.
Tıisti basqarmanyń basshysy qazirgi ýaqytta Almatyda shaǵyn ónerkásip parkteriniń 30 myń sharshy metrden astam úı-jaılary salynǵanyn aıtty. Qazirdiń ózinde olar kásipkerlik sýbektilerimen tolyqty jáne 2025 jylǵa qaraı aýdanyn 250 myń sharshy metrge deıin ulǵaıtý josparlanǵan.