Bul týraly ÓKQ brıfıńinde Almaty qalasy kásipkerlik jáne ınvestısıalar basqarmasynyń basshysy Berik Soltanbaev aıtty, dep habarlaıdy almaty-akshamy.kz
Ol 2023 jyldyń naýryz aıynan bastap megapolıste ınvestorlarǵa jan-jaqty qoldaý kórsetetin qurylym bar ekenin habarlady. «Almaty Business Development Company» «Almaty qalasynyń bıznesti damytý kompanıasy» JSHS-de qyzmetterdi «bir tereze» qaǵıdaty boıynsha alýǵa bolady.
«Kompanıa konsýltasıa berý, ınvestısıalyq jobalardy súıemeldeý, ruqsat qujattaryn alýǵa járdemdesý jáne ákimshilik kedergilerdi azaıtý arqyly ınvestorlarǵa jan-jaqty qoldaýdy ýaqytyly kórsetýge baǵyttalǵan», - dedi Berik Soltanbaev.
Tıisti basqarma basshysy 2023 jyldyń 6 aıynda negizgi kapıtalǵa salynǵan ınvestısıa 604,4 mlrd teńgege jetkenin atap ótti.