Almaty qalasynda polısıa qyzmetkerleri stomatologıalyq emhanalardyń birinen zańsyz elektrondy temeki aınalymyn anyqtap, 13 myńǵa jýyq veıp tárkiledi, dep habarlaıdy aqshamnews.kz Polisia.kz. cilteme jasap.
Jedel izdestirý sharalary barysynda emhananyń qoımasynan zańsyz elektrondy temekiler tabyldy. Tergeý nátıjesinde 32 jastaǵy er adam ustalyp, onyń zańsyz aınalymmen aınalysqany belgili boldy. Buryn zańsyz oıyn bıznesin uıymdastyrǵany úshin sottalǵan ol bul joly da zańsyz áreketterge baryp, dosynyń emhanasyn veıpterdi ýaqytsha saqtaý qoımasyna aınaldyrǵanyn moıyndady.
Almaty qalalyq PD ekstremızmge qarsy kúres basqarmasynyń bastyǵy Asqat Dáýletıarovtyń aıtýynsha, ustalǵan azamat zańsyz baıý maqsatynda tyıym salynǵan veıp quraldaryn jasyryn satýmen aınalysqan. Qazirgi tańda qylmystyq isti Medeý aýdandyq polısıa basqarmasy tergep jatyr.
Esterińizge sala keteıik, 2024 jyldyń 20 maýsymynda Qazaqstanda veıpterdi satýǵa tyıym salatyn zań kúshine endi. Qazaqstan Respýblıkasynyń Qylmystyq kodeksine 301-1-bap (Shylym shekpeıtin temeki ónimderiniń, elektrondy tutyný júıeleriniń (veıptar), hosh ıistendirgishter men olarǵa arnalǵan suıyqtyqtardyń aınalymy) qosyldy.