Qazaqstan Úkimeti Apparatynyń qyzmetkerleri Memleket basshysynyń bastamasymen «Taza Qazaqstan» jalpyulttyq ekologıalyq aksıasy jáne Dúnıejúzilik tazalyq kúni (World Cleanup Day) aıasynda ótkizilgen Astana qalasyndaǵy jalpyqalalyq senbilikke belsendi túrde qatysty, dep habarlaıdy aqshamnews.kz
Prezıdent «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty halyqqa Joldaýynda azamattardy biriktirgen jasampaz bastamanyń mańyzdylyǵyn erekshe atap ótip, «Taza Qazaqstan» jalpyulttyq aksıasynyń jyl boıy jalǵasýyn qamtamasyz etýdi tapsyrǵan bolatyn.
Senbilik barysynda Úkimet Apparatynyń qyzmetkerleri EXPO aýmaǵynda 100 qylqan japyraqty aǵashtyń kóshetterin otyrǵyzdy.
«Taza Qazaqstan» aksıasy aıasynda, naýryz aıynan beri 4 mln-nan astam turǵynnyń qatysýymen elimizde 140-tan astam ekologıalyq is-shara uıymdastyryldy. Osy aksıa barysynda 21 myńnan astam áleýmettik nysannyń aýmaǵy tazartylyp, 5 myńǵa jýyq saıabaq pen skver abattandyryldy. 2,9 myń aǵash jáne buta kóshetteri otyrǵyzyldy. Sonymen qatar, 800-den astam sýburqaq jóndelip, 1,1 mln tonnadan astam qoqys jınaldy.